مظفر گڑھ(مانیٹرنگ ڈیسک )عوامی مسلم لیگ کے سربراہ شیخ رشید کا کہنا ہے کہ عمران خان کے ساتھ اس لیے کھڑا ہوں کہ وہ غریبوں کے لیے کچھ کرے گا،عمران کیساتھ مل کر اس ملک میں انقلاب لائیں گے۔
مظفر گڑھ میں عوامی مسلم لیگ کے سربراہ شیخ رشید کا عوامی اجتماع سے خطاب کرتے ہوئے کہنا تھا کہ نوجوانوں تیار ہوجاوملک میں انقلاب لائیں گے۔ظالم خاندان نے 40 سال میں اپنے سوا کوئی لیڈر بننے نہیں دیا،40 سال بعد شہباز شریف کی باری آئی اسے بھی موقع نہیں دیا گیا،نواز شریف کہتا تھا شیخ رشید اسمبلی میں نہیں ہوگا،میں کہتا تھا نواز شریف نہیں ہوگا۔انہوں نے مزید کہا کہ میں مذاق نہیں کرتا، 20 سے 25 ارکان کے نام جیب میں پڑے ہیں وہ تمام ارکان جوگرز پہنے بیٹھے ہیں جیسے ہی ان کو کوئی اشارہ ملا وہ ان کو چھوڑ دیں گے۔ملک میں سیاسی خلاپیدا ہوگیا ہے،تیاری کریں لوٹنے والوں کے ساتھ وہ کریں گے کہ تاریخ یاد رکھے گی۔شیخ رشید کا کہنا تھا کہ شہبازشریف کہہ رہا ہے نیب کرپٹ ہے، ابھی توحدیبیہ کیس کھلا ہی نہیں جب کیس کھلے گا تو ان کو پتا لگ جائے گا۔عوامی مسلم لیگ کے سربراہ کا کہنا تھا کہ دنیامیں غربت اور بے ایمان سیاستدان جنوبی پنجاب میں ہیں،پنجاب میں سرائیکی صوبہ اور بہاولپور صوبہ بننا چاہیے۔شیخ رشید کہتے ہیں کہ پاکستان میں ڈیزل سمیت سب چور ہیں،70 سال میں جو بھی آیا اس نے ہمیں لوٹا،نئی مردم شماری کے نتیجے میں 30 سے 50 نشستیں بڑھ سکتی ہیں۔
source…
http://dailypakistan.com.pk/national/26-Oct-2017/666657
