شریف خاندان اوراسحاق ڈار کیخلاف ریفرنسز ، چیئرمین نیب نے تبدیلیوں کے بعد شریف خاندان کے خلاف ریفرنسز پر دستخط کردئیے ,

اسلام آباد(ما نیٹرننگ ڈیسک)نجی ٹی وی چینل جیو نیوز نے ذرائع کے حوالے سے دعویٰ کیا ہے کہ شریف خاندان اوراسحاق ڈار کیخلاف ریفرنسز کی نقول ضروری تبدیلیوں کے بعدچیرمین نیب کے گھربھجوائی گئی تھیں ,جن پر انہوں نے دستخط کردیے ہیں ۔ اس سے قبل قومی احتساب بیورو کے ایگزیکٹو بورڈ اجلاس میں نیب راولپنڈی کے ریفرنسز میں کچھ قانونی خامیوں کی نشاندہی کی گئی تھی جبکہ نیب لاہور کے پیش کیے گئے دونوں ریفرنسز کسی تبدیلی کے بغیرمنظورکیے گئے تھے۔ ٹی وی کے مطابق ڈی جی نیب راولپنڈی کو ایگزیکٹو بورڈ اجلاس میں سوالات کا سامنا بھی کرنا پڑا جس کے بعدشریف خاندان کے خلاف ریفرنسز میں تبدیلیاں نیب ایگزیکٹوبورڈ اجلاس میں مشاورت سے کی گئیں۔ دوسری جانب نجی ٹی دنیا نیوز نے شریف خاندان اوراسحاق ڈارکےخلاف 4 ریفرنسزکی دفعات کے حوالے سے دعویٰ کیا ہے کہ شریف خاندان اوراسحاق ڈار کیخلاف نیب لاہوراورراولپنڈی نے سیکشن 9 اے کی 14ذیلی دفعات کوشامل کیا گیا ہے۔سابق وزیر اعظم نوازشریف کیخلاف 3ریفرنسزمیں نیب کی سیکشن 9اے لگائی گئی ہے یہ دفعہ غیر قانونی رقوم اور تحائف کی ترسیل سے متعلق ہے اور کے تحت14سال قید کی سزا ہو سکتی ہے۔ وزیر خزانہ اسحاق ڈار کے خلاف سیکشن 14سی لگائی گئی جو کہ آمدن سے زیادہ اثاثے رکھنے سے متعلق ہے اور اس دفعہ کے تحت بھی سزا کی مدت14سال مقرر ہے جبکہ عوامی نمائندوں کوسزاکے بعدعمربھرکی نااہلی کاسامناکرناپڑتاہے۔ source... http://dailypakistan.com.pk/national/08-