لیہ ۔ ضلعی صدر پنجاب ٹیچر یونین محمد منظور خان درانی ریٹائر ہو گئے ، الوداعی تقریب کا انعقاد

لیہ(صبح پا کستان)سابق چیئرمین تعلیمی بورڈ ڈیرہ غازیخان پروفیسر ڈاکٹر ظفر عالم ظفری نے صدر پنجاب ٹیچر یونین ضلع لیہ ہیڈ ماسٹر گورنمنٹ مڈل سکول سعید فارم لیہ محمد منظور خان درانی کے مدت ملازمت پوری ہونے کے بعد منعقدہ الوداعی تقریب سے خطاب کرتے ہوئے ان کی پیشہ ورانہ خدمات کو شاندار الفاظ میں خراج تحسین پیش کرتے ہوئے کہا کہ صوبہ پنجاب میں ضلع لیہ میں جرائم کی شرح سب سے کم ہے اور تقریباً نو جرائم کی صورتحال کا اصل سبب اساتذہ کرام کی پیشہ ورانہ لگن اور نسل نو کی بہترین انداز میں درست سمت راہنمائی ہے انہوں نے کہا کہ اساتذہ کی شبانہ روز محنت کی بدولت جو نسل تیار ہو کر ملک کے کونے کونے اور دیار غیر میں قومی وملی خدمات سرانجام دے رہے ہیں وہ اساتذہ برادری کیلئے قابل فخر ہیں تقریب میں الوداع ہونے والے ٹیچر محمد منظور خان درانی نے کہا کہ اپنے 32سالہ تعلیمی کیرئیر کے دوران اپنے فرائض منصبی احساس ذمہ داری فرض شناسی و ایمانداری سے سرانجام دیئے انہوں نے کہا کہ کہ عرصہ ملازمت کے دوران ادب و احترام اور طلبہ کی ٹھوس سمت راہنمائی ہی ان کے پیش نظر رہی ہے محمد منظورخان درانی نے کہا کہ ٹیچر پالیٹیکس کے دوران باہمی احترام افسران تعلیم سے لحاظ اور اپنے دائرہ کار میں رہتے ہوئے کسی بلاوجہ ایجیٹیشن کے بغیر اساتذہ کے مسائل حل کرائے ہیں اس موقع پر صوبائی صدر ایس ای ایس ٹیچر یونین رانا سلطان محمود اختر،پروفیسر خورشید درانی،غلام محمد خان،رانا محمد افضل،ملک الہی بخش جوتہ،شیخ خالد،فاروق ارائیں و دیگر اساتذہ راہنماؤں نے بھی خطاب کیا ۔