لیہ ۔چک شہباز آباد کی سڑک کو چک نمبر 149اے بستی جلے والا کی پختہ سڑک کے ساتھ ملایا جائے ، عوامی مطا لبہ

لیہ (صبح پا کستان)چک شہباز آباد کی سڑک کو لیہ مائنر کے کناروں کے ساتھ ساتھ چک نمبر 149اے بستی جلے والا کی پختہ سڑک کے ساتھ ملایا جائے تین کلو میٹر کی اس پختہ سڑک کو آپس میں ملانے سے لیہ شہر کا قصبہ بھٹہ وا لا کوٹ سلطان کا فاصلہ انتہائی کم ہو جائے گا اور ایم ایم روڈ پر ٹریفک کا رش بھی کم ہو جائے گا۔تفصیل کے مطابق لیہ مائنر کے ساتھ لیہ سے پختہ سڑک چک شہباز آباد تک مکمل ہو چکی ہے لیکن چک شہباز آباد سے چک نمبر 149اے بستی جلے والا کا تین کلو میٹر کا ٹکڑا تا حال خالی ہے اگر اس تین کلومیٹر کے ٹکڑے کو پختہ سڑک میں تبدیل کر دیا جائے تو لیہ اور کوٹ سلطان کا بذریعہ لیہ مائنر فاصلہ انتہائی کم ہو جائے گا اور ایم ایم روڈ پر ٹریفک کے رش میں بھی کمی آجائے گی یونین کونسل جمن شاہ کے کونسلروں ملک محمد رمضان لاڑ ،مہر سعید احمد سواگ ،عاشق حسین سہو نے ممبران اسمبلی سے پر زور مطالبہ کیا ہے کہ لیہ مائنر کے ساتھ چک شہباز آباد تا بستی جلے والا تک پختہ سڑک تعمیر کرانے کے لئے فنڈز جاری کئے جائیں تاکہ اس پختہ سڑک سے لیہ اور کوٹ سلطان آنے جانے میں آسانی میسر آسکے ۔