لیہ(صبح پا کستان)پیپلز پارٹی ضلع لیہ کے نومنتخب عہدیداران اور ایم پی اے پیپلز پارٹی لیہ کی تعارفی پریس کانفرنس کے دوران الیکشن 2018ء کے امیدواران کا اعلان پر ایک دوسرے سے تضاد کھل کر سامنے آگیا ضلعی صدر اور جنرل سیکرٹری پیپلز پارٹی لیہ نے ایک ہی قومی اسمبلی کے ایک ہی حلقہ سے الیکشن لڑنے کیلئے بطور امیدوار پیش کردیا گذشتہ روز نونامزد صدر پیپلز پارٹی ضلع لیہ حاجی رمضان بھلر ،جنرل سیکرٹری ڈاکٹر جاوید کنجال اور ڈپٹی اپوزیشن لیڈر پنجاب اسمبلی شہاب الدین خان سیہڑ نے پریس کانفرنس سے خطاب کے دوران چیئرمین پاکستان پیپلز پارٹی بلاول بھٹو زرداری کی طرف سے پیپلز پارٹی ضلع لیہ کے تنظیم نو کے فیصلہ جات کو مکمل طور پر تسلیم کرتے ہوئے پارٹی مفادات میں درست فیصلہ قرار دیا انہوں نے کہا کہ پیپلزپارٹی کی جڑیں عوام میں اور ضلع لیہ 2018ء کے الیکشن میں پیپلز پارتی بھاری اکثریت سے کامیاب ہو گی پارٹی عہدیداران نے کہا کہ پارٹی عہدیداران اور ورکرز ایک پیج پر ہیں اور ضلع لیہ کے پارٹی کارکنان کا بھر پور اجلاس 22رمضان المبارک کو منعقد ہو گا پریس کانفرنس کے دوران اس وقت دلچسپ صورتحال اختیار کر گئی جب ایک سوال کے جواب میں نو نامزد ضلعی صدر ملک محمد رمضان بھلر نے الیکشن 2018ء کیلئے پیپلز پارٹی کے متوقع امیدواران کا اعلان کرتے ہوئے کہا کہ این اے 181سے چوہدری قیصر ارشاد،این اے 182سے وہ خود ملک رمضان بھلر،پی پی 262سے چوہدری انعام الحق،پی پی 263سے شہاب الدین خان سیہڑ،پی پی 264سے امیدواران کا فیصلہ ہونا باقی ہے،پی پی265سے سید فضل حسین شاہ گیلانی اور پی پی 266سے سردار غلام فرید خان میرانی ،ڈاکٹر جاوید کنجال اور سید رفاقت گیلانی میں سے پارٹی جسے نامزد کرے گی پیپلز پارٹی کا امیدوار ہوگا،پریس کانفرنس میں ضلعی جنرل سیکرٹری پیپلز پارٹی ڈاکٹر جاوید کنجال نے ضلعی صدر کے بعد اپنی بات کرنے کا کہا کہ ان کا تحصیل لیہ کی تمام یونین کونسلز میں بڑا سیاسی ورک ہے اور وہ این اے 182اور پی پی266سے پارٹی ٹکٹ کیلئے امیدوار ہیں جبکہ پی پی 263میں ایم پی اے شہاب الدین خان سہیڑ کے احترام میں انتخاب نہ لڑیں گے ،ڈپٹی اپوزیشن لیڈر پنجاب اسمبلی شہاب الدیں خان سہیڑ نے کہا کہ صدر اور جنرل سیکرٹری کی الیکشن امیدوار کی گفتگو قبل از وقت ہے انتخاب2018ء کیلئے پیپلز پارٹی کے دروازے تمام لوگوں کیلئے کھلے ہیں اور انتخابات کیلئے امیدواروں کا تعین الیکشن بورڈ کرے گا انہوں نے ایک سوال کے جواب میں کہا کہ بلدیاتی الیکشن میں مسلم لیگ ن کو حلقہ 263سے شکست دینے کیلئے پارٹی قیادت کی منظوری سے پی ٹی آئی سے اتحاد کرکے ن لیگ کو شکست دی پریس کانفرنس میں انفارمیشن سیکرٹری قاضی احسان اللہ،سابق ضلعی سیکرٹری عاشق حسین کھوکھر کے علاوہ دیگر عہدیداران و کارکنان نے شرکت کی۔
