راجن پور (صبح پا کستان ) ابوظہبی کے امیر شیخ خلیفہ بن زاید النہیان کی جانب سے ضلع راجن پور ،رحیم یار خان، گوٹھ مزاری،گھوٹکی،واشک اور خاران کے اضلاع کے ضرورت مند باشندوں میں اشیاء خوراک کی مفت تقسیم کی جارہی ہے ۔یہ سلسلہ 2003ء سے ہر رمضان المبارک میں جاری رہتا ہے ۔اس مرتبہ بھی رمضان المبارک کے دوران ایک لاکھ پچاس ہزار آٹے کے تھیلے ( 20کلو کے تھیلے) ضرورت مند باشندوں کے درمیان ڈپٹی کمشنرکے ذریعے تقسیم کئے جا رہے ہیں۔ شیخ خلیفہ بن زاید النہیان کے اس مشفقانہ امدادی اقدام سے ضلع راجن پور ،رحیم یار خان، گوٹھ مزاری،گھوٹکی،واشک اور خاران کے اضلاع کے مستحقین کو رمضان المبارک میں ضرورت کے وقت بہت سہارا ملتا ہے ۔جس کے لئے ان اضلاع کے باشندے اور معززین ان کے تہہ دل سے شکر گزار ہیں اور ان کی کوششوں کو سراہتے ہیں۔
