کروڑ لعل عیسن ، سٹیڈیم پرمبینہ ناجائز قبضہ کے خلاف تحریک انصاف کے ایم پی اے عبد المجید خان کے خلاف شہریوں کا احتجاج

کروڑ لعل عیسن (صبح پا کستان) مقامی شہریوں کی جانب سے سٹیڈیم پر ایم پی اے کی طرف سے مبینہ ناجائز قبضہ کے خلاف تحریک انصاف کے ایم پی اے عبد المجید خان کے خلاف احتجاج کیا گیا جس میں تحریک انصاف کے مقامی ایم پی اے اور اس کے بیٹےعبدرالرحیم کے خلاف شدید نعرے بازی بھی کی ۔ انجمن تاجران کے پریس سیکریٹری مدثر شاہ اور نائب صدر جمعہ شیخ اور شوکت خان سجاول خان اویس مغل ابوبکر عثمان مجیب الرحمن طارق بھنڈ خادم بزدار محمد رافع کے علاوہ مقامی شہریوں شوکت خان اویس مغل سجاول خان خادم بزدار مجیب الرحمان طارق بہنڈ فہد میاں الہی محمد رافع ابو بکراور درجنوں نوجوانوں نے ٹیکسی سٹینڈ پر ہو نے والے پرامن احتجاج اور دھرنے میں شریک تھَے،
مظاہرین نے ایم پی اے مجید خان نیازی عبد الرحیم نیازی اور انتظامیہ کے خلاف بھی مردہ باد کے نعرے لگائے تفصیلات کے مطابق چند دن قبل مقامی ایم پی اے عبد المجید خان کے بیٹے نے سٹیڈیم سے گذرنے پر راستہ بند کر دیا تھا اور مقامی شہریوں پر مسلح گن مین کے ہمراہ تشدد کیا تھا۔ ایم پی اے کے خلاف احتجاج میں شریک شوکت خان نے کہا کہ سٹیڈیم پر ایم پی اے کی طرف سے ناجائز قبضہ ختم کرایاجائے مسلح گن مینوں کے خلاف کارروائی کی جائے اور شہریوں کو تحفظ فراھم کیاجائے انہوں نے کہا کہ انتظامیہ نے ایم پی اے اور اسکے بیٹے کے خلاف کارروائی کرنے سے انکار کردیا ھم نے پر امن احتجاج کیا ضلعی انتظامیہ ایم پی اے سے سٹیڈیم کاقبضہ ختم کرائے ہمارے مطالبات تسلیم نہ کئے گئے تو بہوک ہڑ تالی کیمپ لگائیں گے