جمن شاہ ۔ نو منتخب چیئر مین یونین کونسل جمن شاہ مہراحمد حسن کلاسرہ اکا یونین کونسل پہنچنے پروالہانہ استقبال

نو منتخب چیئر مین یونین کونسل جمن شاہ مہراحمد حسن کلاسرہ اکا یونین کونسل پہنچنے پروالہانہ استقبال
جمن شاہ (صبح پا کستان )یونین کونسل جمن شاہ کے چیئر مین کا یونین کونسل پہنچنے پر لوگوں کا پھولوں کی پتیوں اور ڈھول کے رقص پر والہانہ استقبال کیا گیا۔ نو منتخب چیئر مین یونین کونسل جمن شاہ مہراحمد حسن کلاسرہ اور وائس چیئر مین مہر عبدالغفور گدارہ ، جنرل کونسلرز مہر منظور حسین سمرا، مہر ریاض سمرا، مہر عاش سہو، ڈاکٹر ملک اسلم، ملک محمد رمضان لاڑ، ملک عاشق جوتہ کا اہلیان جمن شاہ و مقامی افراد نے یونین کونسل پہنچنے پر شاندار استقبال کیا اور ممبران پر پھولوں کی پتیاں نچھاور کرنے کے ساتھ ساتھ ڈھول کی تھاپ پر خوب رقص کیا ۔ یونین کونسل جمن شاہ میں منعقدہ تقریب سے خطاب کرتے ہوئے نو منتخب چیئر مین مہر احمد حسن کلاسرہ نے کہاکہ جمن شاہ کی عوام نے مجھ پر جس اعتماد کا اظہار کیا ہے ان کی توقعات پر پورا اترنے کے ساتھ عوامی مسائل کے حل کے لئے بھر پور کردار ادا کروں گا۔ سیاسی و سماجی رہنما مہر طفیل لوہانچ نے خطاب کرتے ہوئے کہا کہ عوام نے اپنے مسائل کے حل کے لئے صیح قیادت کا انتخاب کیا ہے ، یونین کونسل میں ترقیاتی کاموں کے ساتھ ساتھ عوام کی خدمت پر بھرپورزور دیا جائے گا۔ تقریب سے ملک حق نواز جوتہ، ڈاکٹر مہر عزیز احمد کلاسرہ، مہر عاشق حسین کھوت و دیگر نے بھی خطاب کیا۔
رپورٹ ۔ مہر زاہد سرفراز واندر پریس رپورٹر