لیہ (صبح پا کستان)علاج و معالجہ کی جدیداور معیاری سہولیات کی فراہمی کے لیے ڈی ایچ کیو ہسپتال میں جاری ترقیاتی منصوبہ جات کی موثر مانیٹرنگ کے ذریعے بروقت تکمیل کو یقینی بنائیں ۔یہ ہدایات ڈپٹی کمشنر واجد علی شاہ نے ڈی ایچ کیو ہسپتال میں نو تعمیر آپریشن تھیٹر،چلڈرن وارڈ ،پی سی آر لیب کے معائنہ کے موقع پر دیں۔سی ای او صحت ڈاکٹر امیر عبداللہ سامٹیہ ،ایم ایس ڈاکٹر بشیر احمد سمرابھی ہمر اہ تھے۔ڈپٹی کمشنر نے ترقیا تی منصوبوں کا معائنہ کیا اور سی ای او صحت کو منصوبوں کی جلد تکمیل و معیاری تعمیراتی میٹریل کے استعمال کو یقینی بنانے کے سلسلہ میں موثر مانیٹرنگ کرنے کے بارے میں ہدایات دیں۔ڈپٹی کمشنر نے کہا کہ ترقیاتی منصوبوں کی جلد تکمیل سے مریضو ں کو مزید سہولیات میسر آئیں گی ا س لیے بھر توجہ سے مکمل کرائیں جائیں۔
