راجن پور( صبح پا کستان) سرکاری ٹیکس کی اہمیت بارے اجلاس منعقد ہوا ، صدارت ایڈیشنل ڈپٹی کمشنر جنرل محمد افضل خان ناصر نے کی ۔اجلاس میں اے ڈی ایل جی یعقوب شیروانی،ایڈیشنل ڈائریکٹر لائیو سٹاک ڈاکٹر افتخاربزدار،سی او ضلع کونسل،تحصیل دار اعظم خان گوپانگ،ڈپٹی ڈائیریکٹر سوشل ویلفیئر شازیہ نواز،ڈپٹی ڈی او تعلیم ،ڈپٹی ڈائریکٹر پلانگ عدیل خان اور دیگر افسران بھی موجود تھے۔اے ڈی سی جی نے کہا کہ ٹیکس ادا کر کے ملک کے وسائل اور ترقی میں اضافہ کریں اور ٹیکس کی اہمیت اورآگاہی کے لئے مختلف جگہوں پر پینا فلیکس لگائے جائیں ۔انہوں نے کہا کہ ہر شہری کا یہ فرض ہے کہ وہ ٹیکس ادا کر کے قومی فریضہ سرانجام دیں ۔اس سلسلے میں دس اپریل کو ڈی سی آفس سے آگاہی واک کی جائے گی ۔
