قومی/ بین الاقوامی خبریں

اسلام آباد . کورونا وائرس کے گزشتہ چند دونوں میں کمی آنے کے بعد آج اچانک پھر تیزی دیکھنے میں آئی ہے اور یہ مہلک وبا گزشتہ چوبیس گھنٹوں میں 148 قیمتی جانوں کو نگل گئی ہے جبکہ مزید چار ہزار سے زائد کیسز سامنے آ گئے ہیں ۔ تفصیلات کے مطابق گزشتہ چوبیس گھنٹوں میں ملک بھر میں 21 ہزار 835 ٹیسٹ کیے گئے ہیں جن میں 4 ہزار 44 افراد میںوائرس کی تصدیق ہوئی ہے جس کے بعد متاثرہ افرا د کی مجموعی تعداد ایک لاکھ 92 ہزار 970 ہو گئی ہے جن میں سے 3903 افراد انتقال کر گئے ہیں جبکہ 81 ہزار 307 صحت یاب ہونے کے بعد گھروں کو لوٹ گئے ہیں ۔ ملک بھر میں کیسز کورونا وائرس کے سب سے زیادہ متاثرہ افراد سندھ میں ہو گئی ہے جہاں تعداد 74 ہزار 70 ہے جبکہ پنجاب میں 71 ہزار 191، بلوچستان میں 9 ہزار 817، کے پی کے میں 23 ہزار 887، اسلام آباد میں 11 ہزار 710، آزاد کشمیر میں 930 اور گلگت بلتستان میں1365 افراد میں وائرس کی تشخیص ہو چکی ہے ۔ اموات کورونا وائرس کے باعث اب تک ملک بھر میں مجموعی طور پر 3903 افراد جان کی بازی ہار چکے ہیں جن میں سب سے زیادہ 1602 پنجاب میں ہے جبکہ سندھ میں 1161، کے پی کے 869، بلوچستان میں 108، اسلام آباد میں 115، آزاد کشمیر میں 25 اور گلگت بلتستان میں 25 افرادانتقال کر گئے ہیں ۔ صحت مند افراد کورونا وائرس کے سب سے زیادہ مریض اب تک سندھ میں صحت یاب ہوئے ہیں جہاں تعداد 39 ہزار 429 ہو گئی ہے جبکہ پنجاب میں 20 ہزار 262، کے پی کے میں 11 ہزار 97، اسلام آباد میں 5 ہزار 424 ، بلوچستان میں 3710، گلگت بلتستان میں 995 اور آزاد کشمیر میں اب تک 390 افراد صحت یاب ہونے کے بعد گھروں کو لوٹ گئے ہیں ۔