Tag: muzafar garh

مظفر گڑھ( صبح پا کستان) عوامی راج پارٹی کے سر براہ ممبر قو می اسمبلی ممبر قومی اسمبلی جمشید دستی نے سابق وزیراعظم میاں محمد نواز شریف کے خلاف مقدمہ کے اندراج کے لیے تھانہ سٹی مظفرگڑھ میں درخواست جمع کرادی۔ عوامی راج پارٹی کے سربراہ جمشید دستی کی طرف سے درخواست ان کے وکیل حافظ شاکر سیکھانی نے ایس ایچ او تھانہ سٹی کو دی۔ تھانہ سٹی مظفرگڑھ پولیس کی طرف سے مقدمہ درج نہ کرنے پر جمشید دستی نے ڈسٹرکٹ اینڈ سیشن جج مظفرگڑھ کی عدالت میں رٹ بھی دائر کردی ہے۔ جمشید دستی کی طرف سے دی گئی درخواست میں سابق وزیراعظم کو ملک سے غداری کرنے پر مقدمہ درج کرنے کی استدعا کی گئی ہے