Tag: ladhana

لدھانہ (صبح پا کستان) لدھانہ روڈ پر اڈہ شیرے والا پر سنوکر و بلئیرڈ کلب پر جوئے کا ذور ،نوجوان بے راہ روی میں مشغول ،نزدیکی مسجد میں اوقات تراویح میں عوام کو مشکلات کا سامنا ،منح کرنےپر شریفوں کو ہراساں کیا جانے لگا ،اہلیان علاقہ کا اصلاح احوال کا مطالبہ ۔۔ تفصیل کے مطابق لدھانہ روڈ پر شیرے والا اڈہ پر جہاں ایک طرف مسجد ہے اور وہاں عوام ماہ رمضان کے مقدس ماہ میں نماز پنجگانہ و نماز تراویح ادا کرتے ہیں ، اسی مسجد کے نزدیک چند لوگوں نے سنوکر و بلئیرڈ کلب بنا رکھا ہے جس پر سرشام و دن کے اوقات میں سرعام جوا کھیلا جاتا ہے ، اور لوگوں کے شور و غل سے مساجد میں نمازیوں کو مشکلات کا سامنا کرنا پڑتا ہے ،جبکہ اوقات تراویح میں سنوکر کلب میں شور کی وجہ سے مزید مشکلات ہوتی ہیں ، جبکہ شرفا کی جانب سے متعددبار سمجھانےپرسنوکرکلب کے مالکان ان سے بدتمیزی پر اتر آتے ہیں اور انہیں ہراساں کیا جاتا ہے ، اہلیان علاقہ نے ڈی سی لیہ ، ڈی پی او لیہ سے انکے خلاف کاروائی کا مطالبہ کیا ہے ۔۔