Tag: column by maqbool janjoa

چھ نومبر دو ہزار سترہ صبح صبح کی بات ہے کہ میری وہ شب کسی بے چاری کی فکر اور پھر اس کی چارہ سازی کی امید میں تھے میرا یہی ارادہ مسسم تھا کہ آج سویرے سویرے خدا کی مخلوق کا تماشہ دیکھا جائے ابھی اندھیری دم توڑ رہی تھی اور روشنی کا بول بالا ہونے کو ہی تھا کہ ابوظہبی شہر کے ان پکے مکانوں کی چھتوں پر لگے فولادی جنگلوں سے کچھ نیلی سی روشنی گزرتی معلوم ہوئی ہی تھی کہ ابھی تک کوئی سایہ ہی نہیں تھا میں سامنے اپنے محلے کی گلی کو ہو لیا اور یہاں کہیں دور کسی کونے سے کوئی آدم زاد آتی دکھائی دی البتہ محلوں کو ملانے والی ان چھوٹی چھوٹی سڑکوں پر جو ایک سے ایک گلی کو ملاتی ہیں ان پر شب بھر گلی کے بدمعاش بلوں کا راج رہا ہے کتے مگر نظر نہیں آتے کوئی کہیں غلطی سے آبھی نکلے تو گروہ کے سرپرست بلوں سے خوب مزاحمت کا سامنا ہوتا ہے لیکن اس دن ایسا نہیں ہو رہا تھا اصل میں ہوا یوں کہ ناشتہ کی تلاش میں یہاں اب قریب کی دکانیں بند پا کر میں بہت دور چلا گیا ہوں بھوک بھی ستا رہی تھی اور ادھر خدا کی مخلوق کے نظارے دیکھنے سے بھی محروم نہیں رہ سکتا تھا ایک کے بعد ایک قدم کانوں میں ٹوٹیاں اور ان میں سویرے سویرے ایف ایم لیہ پر لگی بھر دو جھولی میری یا محمد مجھے کئی پرانے وقتوں کی یاد دلا رہی ہوتی ہیں سکول کا صبح سویرے کا وقت اپنے نیک بزرگوں کی یادیں اور اپنے گاؤں کے اوقات لو پھر تازہ سرد ہوا کے جھونکوں کے ساتھ ایک ہوٹل کھلا ہوا ملا ہے اور آج سحر خیزی کی نوعیت یوں ہوئی کہ میں ان کا پہلا گاہک تھا ابھی چائے کی دیگچی نے پہلی انگڑائی لی ہی تھی اور ساتھ ہی چائے کی خالی پیالیاں کوئی امید بھر آنے کی صورت خود میں چائے کے بھر جانے کو ہی تھی اور پراٹھے بھی اسی وقت ہی توے کی زینت بن رہے تھے مجھ سے پوچھا گیا ہے کہ میاں کیا لایا جائے تو ایک پراٹھا انڈا اور چائے کے ایک کپ اپنے مستقبل کی فکرمندی کے ساتھ نوش فرما کر میں پھر سے واپسی کے لئے وہاں سے چل نکلا اب کی بار پھر میں ساتھ ہی ایک پارک کی جانب چلا نکلا  جو سبزہ و گل سے بھرپور تخیلات جنم دینے کی ایک بھرپور جگہ ہے سنا ہے سویرے سویرے رحمتیں برستی ہیں میں نے کہا چلو دل تو ہر وقت سوگ میں رہا کرتا ہے آج چلو یونہی سیر کرتے آدم زاد دیکھ لوں کہ جن کے چہروں پر مسرتیں اچھل رہی ہوتی ہیں میں بھی تو دیکھوں کہاں سے ان مسرتوں کا نزول ہوتا ہے فٹ پاتھ سے ہوتا ہوا ایک پارک میں آن پہنچا ہوں ایک خوش طبع بزرگ موت کے انتظار سے فرقت پا کر اسی پارک میں آخری عمر کی الجھنوں اور گزرے حالت کے غم سمیٹنے والے اپنے جسم کے تمام جوڑوں کو ٹٹول کر دیکھ رہا تھا جیسے کوئی جوان صبح سویرے کو کثرت کرتا ہو وہ بزرگ بھی بوڑھے جسم کو حرکت دے رہا تھا شاید اس کے جوڑوں سے آوازیں بھی آ رہی تھی جو مجھے سنائی نہیں دیں اتنے میں کیا دیکھا کہ ایک نوجوان لڑکی قدرے تیز قدم میرے پاس سے گزری اتنے میں دو پکی عمر کی بزرگ خواتین بھی وہاں تشریف لے آئیں کوئی باریک موضوع ہے جس پر تبصرہ کرنے میں مگن ہوں خیر ہم سب ایک دوسرے کی طرف مکمل متوجع ہوئے پارک میں قدرتی ماحول قائم رکھا گیا تھا تاکہ شہر کے ہنگاموں سے قطع نظر سویرے سویرے آدم اور حوا کے بیٹے بیٹیاں یہاں آکر کچھ تسکین قلب و جاں کا ساماں کر سکیں میرے ذہن میں بے شمار نا آسودگیاں آنے لگیں جنہوں نے کسی نہ کسی فکر کے تسلسل میں جنم لیا ہوا تھا کبھی کبھار جب میں سوچتا ہوں کہ کیا معلوم کہ ناگہانی میں مارا جاؤں پھر یہ فکریں کہاں جائیں گی مستقبل اور اس کی تشکیل سے جڑے سارے خواب کہاں کس کے آنسوں سے ٹپکا کریں گے کیا آدمی کو مرنے کے بعد یاد رکھا جاتا ہے یہ مصروف زندگی ہے ہر اک کا رونا الگ ہے میرے اقرباء کی بات الگ ہے کہ وہ روئیں گے شاید بھول نہ پائیں گے البتہ ایک نہ ایک دن یہ ہو گا کہ اس رابطے کی دنیا اور میرے دور دراز کے اجنبی دوستوں کی بے تکلفانہ چائے خانوں پر جمنے والی نشستوں میں کوئی مقبول جنجوعہ نہیں ہو گا انٹرنیٹ پر کوئی بلا ہے جسے فیس بک کہا جاتا ہے اس پر بھی مقبول جنجوعہ کے نام سے ایک اکاونٹ موجود تو ہو گا لیکن اسے کون چلائے گا اس جنجوعہ برادرز لیہ نام کے پیج سے تحریریں بھی آنا بند ہو جائیں گی واٹس اپ اور ای میل بھی بے رونق ہو جائیں گے اور کوئی بھی فرق پڑے بغیر میرے ہم پلہ رہنے والوں کے روز مرہ جات جاری رہیں گے یہ ساری نا آسودگیاں میرے ذہن میں ڈیرے جمائے ہوئے تھی پارک میں ایک طرف سے داخل ہو کر اب دوسری طرف سے نکلنے والا ہی تھا کہ یہاں پیدل چلنے کو الگ راستہ مخصوص ہے جہاں سویرے سویرے باہمت لوگ نوجواں بھاگتے دوڑتے ہیں بزگ ٹہلتے ہیں اور عورتیں بھی چلنے کی صورت کوئی طرز عمل اختیار کئے ہوتی ہیں یہ نا آسودگیاں آدمی کو بنانے بگاڑنے میں برابر کردار ادا کرتی ہیں میں خود کو یہی سمجھانے کی کوشش کر رہا تھا بہر حال اس بحر میں آنے والے کہاں پارک سے نکل آیا ہوں واپس وہی سڑک کا فٹ پاتھ تھا کانوں میں ٹوٹیاں ایف ایم لیہ کوئی صوفیانہ کلام اور ایک کے بعد آہستہ آہستہ قدم اٹھائے وہاں سے چل دیا سڑک پر کافی دیر کے بعد کوئی تیز رفتار گاڑی گزری سویر کا وقت تھا ایسا ہی ہونا تھا تو دوستو کبھی کبھی میں جب اپنی زندگی کے اسلوب سمجھنے کی کوشش کرتا ہوں تو سمجھ نہیں آپاتے آدمی کیا کرے ایک بندھن کو قائم کرنے کے لئے کئی بندھنوں سے نفرتیں مول لینی پڑتی ہیں کسی کو اخلاص کے ساتھ چاہو اور اگر نہ پا سکو تو اول تو یہ کہ فطرت کے خلاف مر جاؤ لیکن کیوں جن کی محنت سے جنم لیا ان کے احسانات کا کیا کرو گے پھر ان مجبوریوں کے عالم میں زندہ ہی رہو اور ہاں مگر ایسے کہ جس کو چاہ رہے ہو اب ساری زندگی نہ اس کا سامنا کر سکو نہ برداشت ہی کر پاؤ اور ملامت سے آسودہ رہو شرم سے ڈوب مرو اس سے بہتر یہ نہیں کہ مر جاؤں وہ بھی انسان کے بس میں نہیں تو یہ انسان پھر کہاں جائے دوستو میں یہ سب کچھ سوچنے کے لئے ہرگز صبح کی سیر کو نہ گیا تھا بلکہ سنا تھا کہ سویرے سویرے رحمتیں ابن آدم کے واسطے برستی ہیں رزق بھی تقسیم ہوتا ہے تو میں بھی اس دن اپنے خدا کے آگے ایک سوالیہ انداز میں چلا گیا تھا اب اپنی گلی میں پہنچ چکا ہوں نا آسودگیاں بھی ساتھ ساتھ ہی ہیں البتہ کئی خوش دل خوش مزاج آدم زاد سویرے سویرے دیکھ کر میری بھلائی کی رگوں

میں نا امیدی کے منجمند خون نے تھوڑی سی گردش پکڑی ہے۔؟