ڈیرہ غازیخان (صبح پا کستان) آل پاکستان سٹینو گرافرز ایسوسی ایشن کا ماہانہ اجلاس زیر صدارت ڈویژنل صدر شمشیر خان گورمانی منعقدہوا جس میں جنرل سیکرٹری سلیم جتوئی سمیت دیگر عہدیداروں اور مختلف محکموں کے سٹینوگرافروں نے شرکت کی . شمشیر گورمانی نے کہاکہ ایپسا کے پلیٹ فارم سے ملازمین کے حقوق کیلئے کوششیں جاری رہیں گی انہوں نے کہاکہ ملازمین جہاں اپنے فرائض منصبی دلجمعی سے انجام دیتے ہیں وہاں حکومت کا بھی فرض ہے کہ ملازمین کے حقوق کا خیال رکھا جائے . انہوں نے کہاکہ تمام ملازمین کو ترقی کے یکساں مواقع فراہم کرنا ہی قرین انصاف ہوتا ہے چنانچہ سٹینو گرافرز کے ساتھ روا رکھاجانے والا امتیازی سلوک ختم کیاجائے اور دیگر تمام ملازمین کی طرح سٹینوگرافرز کو بھی اپ گریڈیشن سمیت دیگر الاونسز دیئے جائیں.
