ڈیرہ غازیخان . حکو مت پنجاب نے خواتین کی شکایات سننے اور ازالہ کیلئے ٹال فری نمبر 1043جاری کر دیا

ڈیرہ غازیخان(صبح پا کستان )حکومت پنجاب کی ہدایت پر کمشنرڈیرہ غازیخان ڈویژن کے کمیٹی روم میں خواتین کی ترقی اور درپیش مسائل کے موضوع پر سیمینار و مشاورتی اجلاس منعقد کیاگیا جس میں ممبر پنجاب کمشن آن سٹیٹس آف ویمن پنجاب ام کلثوم ، ڈویژنل کوآرڈینیٹر علی رضا نے مختلف مسائل پر شرکاء سے تجاویز طلب کیں . سیمینار میں بتایاگیاکہ حکومت پنجاب خواتین کی ترقی کیلئے اقدامات کر رہی ہے . سرکاری ملازمت میں 15فیصدکوٹہ ، عمر کی بالائی حد میں رعایت ، سرکاری و پبلک مقامات پر خواتین کو حراساں کرنے پر کارروائی کیلئے قانون سازی اور دیگر اقدامات شامل ہیں . ضرورت اس امر کی ہے کہ قوانین اور سہولتوں پر عملد رآمد کیلئے تمام شعبوں اور سول سوسائٹی کردار ادا کرے . سیمینار میں بتایاگیاکہ حکومت پنجاب نے خواتین کی شکایات سننے اور ازالہ کیلئے ٹال فری نمبر 1043جاری کر دیاہے اور خواتین کے مسائل کے حل کیلئے ڈویژن سطح پر خواتین کو معاشی و سیاسی طو رپر مستحکم کرنے کی کوشش کی جا رہی ہے . کمشن کے قیام کا مقصد بھی خواتین کے حقوق کا تحفظ کرنا ہے . سیمینار میں خواتین کو سفری و طبی سہولیات ، کم عمر کی شادی ، جبری شادی ، وراثتی جائیداد سے محرومی سمیت خواتین کو درپیش مسائل کے حل کیلئے تجاویز طلب کی گئیں . اس موقع پراسسٹنٹ کمشنر جنرل محمد اسد، لاء آفیسر ویمن کرائسز سنٹر ثریا مجید رانا ، سوشل ویلفیئر آفیسر محمد ابراہیم ، ڈپٹی ڈائریکٹر لائیو سٹاک ڈاکٹر توصیف طاہر ، چیف ایگزیکٹو آفیسر العصر ترقیاتی تنظیم سید سجاد حسین نقوی ، صدر یوتھ فرنٹ ندیم احمد ، خلیل الرحمن ، فرزانہ سجاد ، زرینہ بی بی ، ذیشان ، راحیلہ ظفر ، نادیہ شاہد ، ملک محمد جاوید اقبال ، شہزاد قدیر ، ظفر بھٹہ ، مظہر شیرانی،ملک محمد جاوید اقبال ، ڈاکٹر ریاض حسین، ڈاکٹر شفقت ، امجد علی ، راحیلہ، ممبر ضلع کونسل تسنیم کوثر سمیت مختلف محکموں اور این جی اوز کے نمائندے موجود تھے .