چوک اعظم ۔ ڈی ایم او لیہ کی فتح پور روڈ پرکاروائی ، چھاپہ گودام سے 30من ناقص چائے کی پتی اور 10من ناقص سرخ مرچ بر آمد ،گودام سِیل

چوک اعظم( صبح پا کستان ) ڈی ایم او لیہ عثمان منیر بخاری کے چوک اعظم میں چھاپے ،گودام سے 30 من نا قص چائے کی پتی ،10من ناقص سرخ مرچ بر آمد ۔گودام سمیت پاپڑ فیکٹری بھی سِیل۔تفصیل کے مطابق انسداد ملاوٹ مہم کے دوران ڈی ایم او لیہ سید عثمان منیر بخاری فتح پور روڈ پر گودام میں چھاپہ مار کر گودام سے 30من ناقص چائے کی پتی اور 10من ناقص سرخ مرچ بر آمد کر کے گودام کو سِیل کر دیا ۔بعد ازاں فیصل آباد روڈ پر پاپڑ بنانے والی محمد رمضان پاپڑ فیکٹرری کو بھی سِیل کر دیا ۔اس دوران اے سی آر ایچ کوآرڈی نیشن سلیمان تنویر بھی ہمراہ تھے ۔
ڈی ایم او لیہ عثمان منیر بخاری نے نمائندہ کو بتایا کہ ملاوٹ مافیا کو کسی صورت بھی نہیں چھوڑا جائے گا یہ لوگ بے رحمی کے ساھ عوام کی جان کے ساتھ ظلم کر رہے ہیں ۔انہوں نے کہاکہ عوام بھی ملاوٹ مافیا کیخلاف جاری اس مہم کو کامیاب بنانے کے لیے ہمارا ساتھ دیں ۔انہوں نے بتایا کہ ملزمان کے خلاف قانونی کاروائی کی جا رہی ہے ۔