کوٹ سلطان(صبح پا کستان) ٹھیکیدار کی پھرتیاں ،سڑک کی تعمیر کے لیے محنت کشوں کی فصلات اجاڑ کی مٹی اٹھا لی ،روکنے پر گالم گلوچ اور جان سے مار دینے کی دھمکیاں ،موضع بیٹ وساوا شمالی بستی گاذر کے رہائشیوں ظفر اقبال گاذر ،غلام اکبر گاذر،حسنین مصطفی،ذوالقرنین گاذر،اللہ وسایا،امام بخش،منظور احمد ،محمد اعظم،لعل خان کلاچی،عزیز خان گشکوری،غلام شبیر ،پرویز اقبال اور دیگر نے احتجاج کر تے ہوئے بتایا کہ دنبہ بند تا بکھری احمد زیر تعمیر سڑک کے لیے ٹھیکیدار نے ان کی مرچ ،پیاز،گندم اور دیگر فصلات اجاڑ کر مٹی اٹھا لی ہے جس سے ان کو ہزاروں روپے کا نقصان ہو اہے۔اہل علاقہ نے بتایا کہ ٹھیکیدار کو جب ذاتی رقبہ سے مٹی اٹھانے سے منع کیا گیا تو وہ ان کے ساتھ لڑنے لگا اور دھمکی دی ہے کہ آئندہ اگر مٹی اٹھانے سے روکا تو جان سے مار دوں گا ، مزید یہ ہے کہ سیلابی علاقہ میں مٹی اٹھائی جانے سے سڑک کے دونوں جانب کئی فٹ گہر گڑھے پڑ چکے ہیں جو کسی بھی وقت کسی بھی سنگیں حادثہ کا پیش خیمہ ثابت ہو سکتے ہیں متاثریں نے حکام بالا سے مطالبہ کیا ہے کہ ٹھیکیدا ر کو ہماری ذاتی اراضی سے مٹی اٹھانے اور سڑک کے دونوں جانب گڑھے کھودنے سے روکا جائے ۔
