محکمہ زراعت کے زیر اہتمام سبسڈی پر زرعی مشینری و آلات کی قرعہ اندازی

لیہ ۔( صبح پا کستان )وزیراعلی پنجاب مریم نواز شریف کا شعبہ زراعت کے لیے ایک اور انقلابی اقدام ۔ محکمہ زراعت (فیلڈونگ) کے زیر اہتمام ضلع کونسل ہال لیہ میں سبسڈی پر زرعی مشینری و آلات کی قرعہ اندازی کیلئے تقریب منعقدہوئی ۔ تقریب کے مہمان خصوی ایڈیشنل ڈپٹی کمشنرریونیومحمدشاہدملک تھے۔تقریب میں ڈپٹی ڈائریکٹرزراعت شیخ عاشق حسین،ڈپٹی ڈائریکٹر ایگریکلچرانجینئرنگ شیخ شعیب ظہیر،اسسٹنٹ ڈائریکٹر ایگریکلچرانجینئرنگ انجینئرغلام مرتضی بھٹی،سی او ضلع کونسل افتخار بنگش موجودتھے۔ضلع لیہ میں کل424 کاشتکاروں نے درخواستیں جمع کروائیں میرٹ وشفاف سکروٹنی کے بعد345 درخواستوں پر قرعہ اندازی کی گئی جس میں ضلع کے7 مراکز سے21کامیاب کاشتکاروں کا اعلان کیا گیا جبکہ کچھ کاشتکاروں کوویٹنگ لسٹ بھی رکھاگیا۔اس موقع پر ایڈیشنل ڈپٹی کمشنرریونیومحمدشاہدملک نے تقریب سے خطا ب کرتے ہوئے کہاکہ و زیر اعلیٰ مریم نوازشریف کا ایگری کلچرل ٹرانسفارمیشن پلان ایک انقلابی منصوبہ ہے وزیراعلی پنجاب مریم نواز شریف کی ہدایت پرکاشتکاروںکوسبسڈی پر زرعی مشینری و آلات کی فراہمی کی جائے گی انہوں نے کہاکہ حکومت پنجاب زرعی معیشت کی ترقی کے لئے انقلابی و درس نتائج کے حامل منصوبوںاورفصلات کی بہتر پیداوار کے لئے کوشاں ہے۔ انہوں نے کہاکہ شعبہ زراعت ملکی معیشت میں ریڑھ کی ہڈی کی حیثیت رکھتا ہے اس لیے مشینی کاشت اپنائیں فی ایکڑپیداوار بڑھائیں منصوبہ کے تحت حکومت پنجاب انقلابی و درس نتائج کے حامل منصوبوں پر عمل پیرا ہے وزیراعلیٰ پنجاب مشینی کاشت پروگرام کے تحت اربوں روپے کی لاگت سے 35 قسم کے زرعی آلات و مشینوں کی خریداری کیلئے 60 فیصد تک سبسڈی فراہم کی جارہی ہے جس میں ایک کاشتکار کو زیادہ سے زیادہ 5 لاکھ روپے تک سبسڈی فراہم کی جائے گی جبکہ کاشتکار اپنی مرضی اور ضرورت کے مطابق زرعی آلات کا انتخاب کر سکے گا۔انہوںنے کہاکہ زرعی مشینری کے استعمال سے توانائی اور وقت کی بچت جبکہ فصلوں کی پیداوار میں اضافہ ہوگا۔زرعی آلات جن میں روٹاویٹر،ڈسکس ہیرو،ویٹ ریپر،آلواکھاڑنے والی مشینی،بوم سپرئیر،پاور ٹلر بمع آلات،شوگر کین ریجر،میزبیڈپلانٹرودیگر کی قرعہ اندازی کی گئی۔تقریب میں کاشتکاروں کی کثیرتعداد نے شرکت کی۔