ڈیرہ غازیخان۔ڈپٹی کمشنر نے سخی سرور عرس کے انتظامات جائزہ لیا

ڈیرہ غازیخان (صبح پا کستان)ڈپٹی کمشنر ڈیرہ غازی خان میاں محمد اقبال مظہر مہار نے سخی سرور کا اچانک دورہ کیا دربار پر حاضری دی فاتحہ خوانی اور خصوصی دعا کی . انہوں نے عرس کے انتظامات اور سہولیات کی فراہمی کابھی جائزہ لیا۔رکن صوبائی اسمبلی سردار احمد علی دریشک،ڈی پی او عاطف نذیر اور دیگر افسران ہمراہ تھے .ڈپٹی کمشنر نے کنٹرول روم اور سرکاری محکموں کے کیمپس کا دورہ کرتے ہوئے سکیورٹی انتظامات کابھی جائزہ لیا۔ڈپٹی کمشنر کے دورہ کے موقع پر منیجر اوقاف اور چیف آفیسر میونسپل کمیٹی غیر حاضر پائے گئے جس پر ڈپٹی کمشنر نے برہمی کا اظہار کرتے ہوئے غیر حاضر افسران کے خلاف کارروائی کیلئے متعلقہ سیکرٹریز کو سفارشات ارسال کرنے کے احکامات جاری کئے ڈپٹی کمشنر نے اسسٹنٹ کمشنر کوٹ چھٹہ عبدالغفار کو عرس کے دوران سکیورٹی، صفائی اور سہولیات بہتر کرنے،فائر بریگیڈ اور ایمبولینس کی گاڑیوں کو موجود رکھنے کی ہدایات جاری کیں ڈپٹی کمشنر نے سول ڈیفنس،پولیس،بی ایم پی،ہیلتھ،ریسکیو اور دیگر محکموں کے ریلیف کیمپس کا بھی جائزہ لیا.