ڈیرہ غازیخان ۔ریٹائرڈ پولیس آفیسران کے اعزاز میں پر وقار تقریب ،ڈی پی اواحمد نواز چیمہ نے محکمانہ خدمات کے صلہ میں یادگاری شیلڈ پیش کیں

ڈیرہ غازیخان(صبح پا کستان ) ڈیرہ غازیخان ریٹائرڈ پولیس آفیسران کے اعزاز میں پر وقار تقریب کا انعقاد اور اعزازی شیلڈ بھی دی گئیں۔ تفصیلات کے مطابق ریٹائرڈ ہونے والے ملازما ن اخلاق احمد SI، شوکت علی ASI، غلام سرور HC اور بشیر حسین کانسٹیل کی محکمہ پولیس سے مدت ملازمت پوری ہونے پرریٹائرہونے والے پولیس ملازمان کو ڈی پی اواحمد نواز چیمہ نے محکمانہ خدمات کے صلہ میں یادگاری شیلڈ پیش کیں اور خطاب کرتے ہوئے کہا کہ ریٹائرڈ پولیس آفیسران محکمہ کا حصہ ہیں اور 25سال سے زائد عوام الناس کے تحفظ کے لئے جوبھی فرائض سر انجام دیے ہیں آپ کی خدمات ہمیشہ یاد رکھیں جائیں گی اور انہیں محکمہ میں انتہائی قدر کی نگاہ سے دیکھا جاتا ہے اس موقع پر راؤ محمد ساجد آفس سپرنٹنڈنٹ بھی موجود تھے۔