لیہ(صبح پا کستان) ڈپٹی کمشنر واجد علی شاہ نے ہدایت کی ہے کہ مسلسل خراب کارکردگی کے حامل سکول سربراہان و اساتذہ کے خلاف محکمانہ کارروائی عمل میں لائی جائے کیونکہ لاپرواہ و نااہل اساتذہ کی محکمہ میں کوئی کنجائش نہیں ہے۔یہ ہدایات انہوں نے ڈسٹرکٹ ایجوکیشن ریویو کمیٹی کے اجلاس کی صدارت کرتے ہوئے دیں۔اجلاس میں ڈسٹرکٹ مانیٹرنگ آفیسر عثمان منیر بخاری ،چیف ایگزیکٹو آفیسر تعلیم خالدہ شاہین ،ڈی او مردانہ ارشاد احمد ،سرفراز خان ،غلام یاسین چشتی ،ڈی او سیکنڈی زنانہ راشدہ اشرف ،ڈپٹی ڈی اوز ،اے ای اوز موجود تھے۔ڈی سی نے کہا کہ بغیر اطلاع و پیشگی منظوری کے بغیر چھٹی پر جا نے والے اساتذہ کی جواب طلبی کی جائے۔اور ان کے خلاف سخت سے سخت محکمانہ کارروائی عمل میں لائی جائے ۔انہوں نے کہا کہ طالب علم ہمار ا مستقبل ہیں جن کی تعلیم وتربیت اساتذہ کی اولین ذمہ داری ہے لحاظ اساتذہ کرام طالب علموں کی تعلیم وتربیت اور کردار سازی پر بھر پور محنت اور ایماندار ی سے توجہ دیں۔انہوں نے کہا کہ اچھی کارکردگی کے حامل اساتذہ اور سکول سربراہان کو تعریفی اسناد دیں جائیں گی۔ڈپٹی کمشنر نے مزید کہا کہ ضلع بھر کے تمام گرلز سکولوں کی چار دیواری کی تعمیر کے منصوبوں کو ترجیح بنیادوں پر مکمل کیاجاے اور افسرا ن تعلیم اس سلسلہ میں جائزہ لے کررپورٹ پیش کریں ۔ڈسٹرکٹ مانیٹرنگ آفیسر عثمان منیر بخاری نے بریفنگ دیتے ہوئے بتایا کہ ناقص کارکردگی کے حامل پندرہ اساتذہ کو شوکاز نوٹس جاری کیے گئے ہیں۔جبکہ گزشتہ ماہ اساتذہ کی نوئے فی صدسے زائد حاضری رہی ہے ۔بریفنگ میں بتایا گیا کہ ضلع بھر میں 34سکولوں میں بجلی کی فراہمی کے لیے ڈیمانڈ نوٹس جمع کرادیے گئے ہیں اور جلد بجلی کی سہولت فراہم کردی جائے گی۔