وزیر اعظم پاکستان کی بلاسود قرضہ سیکیم۔ڈیڑھ سو مستحقین میں چیک تقسیم کئے گئے
لیہ(صبح پا کستان) عوامی ترقیاتی ادارہ میں وزیر اعظم پاکستان کی بلاسود قرضہ سیکیم کے تحت ڈیڑھ سو مستحقین میں منعقدہ تقریب میں چیک تقسیم کر دیئے گئے۔ پروجیکٹ کوارڈینٹر شیخ وقار الحسن نے تقریب سے خطاب کرتے ہوئے کہاکہ وزیر اعظم نے غریب اور چھوٹا کارروبار کرنے والے افراد کی مالی معاونت کے لئے بلا سود قرضہ سکیم شروع کر کے لوگوں کو معاشی طور پر مضبوط کرنے کا منصوبہ شروع کر کے لوگوں کو خوشحال بنانے کا عملی اقدام اٹھایا ہے۔ انہوں نے کہا کہ چھوٹا قرضہ سکیم کے تحت مرد و خواتین کارروبار بڑھائیں اور اپنی زندگی سنواریں۔ ا س موقع پر چیک حاصل کرنے والے افراد نے عوامی ترقیاتی ادارہ کے سربراہ مہر محمد طفیل لوہانچ اور وزیر اعظم پاکستان کا شکریہ ادا کرتے ہوئے کہا کہ چھوٹا قرضہ سکیم سے ہم اپنی معاشی حالت سدھار سکیں گے۔
