ایم ایم روڈ کی تعمیر جلد مکمل کی جائے وگرنہ احتجاج ہو گا ۔ جما عت اسلا می
چوک اعظم (صبح پا کستان ) ایم ایم روڈ پر لگائے گئے کٹ مکمل نہ کرنے پر جماعت اسلامی کا احتجاج ایک ہفتے میں کٹ پر نہ کرنے پر ایم ایم روڈ بلاک کرنے کی دھمکی ۔تفصیلات کے مطابق جماعت اسلامی نے اڈہ قاضی آباد پر ایم ایم روڈ پر لگائے کٹس کے خلاف احتجاجی جلسہ کیا ۔ جلسہ سے منور حسین، سلطان محمود اعوان ، احسان اللہ محسن ودیگر مقررین نے خطاب کرتے ہوئے کہا کہ ایم ایم روڈ پر محکمہ ہائی وے کی طرف سے لگائے گئے کٹس لوگوں میں موت بانٹ رہے ہیں۔ آئے روز حادثات معمول بن گئے کٹس کی وجہ سے کئی قیمتی جانیں ضائع ہوچکی ہیں ۔ لوگوں کی قیمتی گاڑیوں کا بھی نقصان ہورہا ہے۔ محکمہ ہائی وے خواب خرگوش سویا ہوا ہے۔ مقررین نے ایکسین ہائی وے اور ڈی سی او لیہ سے مطالبہ کیا ہے کہ سڑک کی تعمیر فی الفور شروع کی جائے ورنہ ایک ہفتہ کے بعد احتجاجاً ایم ایم روڈ پر دھرنا دے کر ٹریفک بند کردی جائے گی۔
رپورٹ ۔ عبدالغفار خان پریس رپورٹر 03457171594
