لیہ ۔ ٹمبر ما فیا متحرک ، بند اعجاز آباد سے بکھری احمد خان تک کروڑوں روپے کے سوکھے درخت ، چوری

ٹمبر ما فیا متحرک ، بند اعجاز آباد سے بکھری احمد خان تک کروڑوں روپے کے سوکھے درخت چوری
لیہ(صبح پا کستان)دریا کی تباہ کاریوں سے بچانے کے لئے بنے بندپر کروڑوں روپے کے سوکھے درخت ، چوری، ٹمبر مافیا کی نذر ہونے لگے۔رات کے اندھیرے میں بند اعجاز آباد سے بکھری احمد خان تک ٹمبر مافیا نے لکڑی چوری کرنے کا سلسلہ شروع کیاہو اہے جس سے اب تک سینکڑوں قیمتی درخت بند سے غائب ہو چکے ہیں۔بند سے درختوں کے چوری ہونے سے دریاکی تباہ کاریوں کو بچانے کے لئے بنایا گیا پروٹیکشن بند کے پشتے کمزور ہونا شروع ہو چکے ہیں اور بن سے مٹی گر رہی ہے جبکہ بعض جگہوں سے سینکڑوں من مٹی بھی غائب ہو چکی ہے۔اہل علاقہ نے گفتگو کرتے ہوئے کہاکہ بن پر لگے کروڑوں روپے کے سوکھے درخت فروخت کر کے حکومت علاقہ کے مکینوں کے لئے میگا پروجیکٹ شروع کر سکتی ہے اور درختوں کی چوری ہونے سے حکومتی خزانے کو ٹیکہ لگا رہا ہے جس میں محکمہ جنگلات کے اہلکار بھی ملوث ہیں۔انہوں نے کہا کہ بند پر نئے پودے لگا ئیں جائیں اور تمام سوکھے ہوئے درختوں کو فروخت کیا جائے۔
رپورٹ ۔ مہر زاہد سر فراز پریس رپورٹر