لا ہور( ویب ڈیسک )وزیراعلیٰ پنجاب میاں محمد شہبازشریف نے کہا ہے کہ محرم الحرام کے دوران امن و امان کے قیام کے حوالے سے تمام وسائل کو بروئے کارلایا جائے گا ۔
میڈ یا ذراءع کے مطا بق وزیراعلیٰ پنجاب میاں شہبازشریف کی زیر صدارت صوبائی کمیٹی برائے امن و امان کا اجلاس ہوا جس میں ہوم سیکرٹری اور انسپکٹر جنرل پولیس نے محرم کے حوالے سے امن و امان کے قیام اور دیگر امور پر بریفنگ دی ۔
اجلاس میں محرم الحرام کے دوران وضع کردہ سیکورٹی پلان پرعملد رآمد کا تفصیلی جائزہ لیا گیا ۔ وزیراعلیٰ پنجاب نے مجالس اور جلسے جلوسوں کے لیے مقررکردہ اوقات کی پابندی یقینی بنانے کی ہدایات جاری کرتے ہوئے کہا کہ محرم کے دوران سیکورٹی پلان پر سختی سے عمل درآمد کروایا جائے۔انہوں نے کہا کہ قانون نافذ کرنے والے ادارے آپس میں موثر رابطہ رکھیں۔ وزیراعلی کا کہنا تھا کہ محرم کے دوران اشتعال انگیز تقریر ،مذہبی منافرت پر مبنی مواد کی اشاعت و تقسیم پر بلا تفریق کارروائی کی جائے گی۔
