لیہ ۔ این ٹی ایس کا رزلٹ 25روز گذر جانے کے بعد بھی نہ آسکا ، روزگار کے متلا شی ایجو کیٹر ز پریشان

این ٹی ایس کا رزلٹ 25روز گذر جانے کے بعد بھی نہ آسکا ، روزگار کے متلا شی ایجو کیٹر ز پریشان
لیہ(صبح پا کستان)ایجوکیٹرز بھرتی کیلئے درخواست دینے کی کل آخری تاریخ،این ٹی ایس کا رزلٹ 25روز گذر جانے کے بعد بھی نہ آسکا،تعلیم یافتہ بے روز گار امیدواروں کے شکوک وشبہات بڑھ گئے،این ٹی ایس کے 50فیصد سے زائد مارکس شیٹ ،تعلیمی و پروفیشنل ڈگری کے ساتھ امیدواروں کو درخواست سے لف کرنے کی ہدایت،تفصیل کے مطابق محکمہ تعلیم پنجاب میں گریڈ 9,14,16کے مردو خواتین ایجوکیٹرز کی 38ہزار آسامیوں پر بھرتی کا عمل کل درخواست جمع کرانے کی آخری تاریخ12اپریل گذر جانے کے ساتھ ہی مکمل ہو جائے گا،میڈیا رپورٹس کے مطابق صوبہ بھر کے ہزاروں بے روز گار نوجوانوں نے این ٹی ایس فیس کی مد میں 35کروڑ روپے سے زائد کی رقم این ٹی ایس فیس کی مد میں جمع کرائی ہے جبکہ درخواست ارسال کرنے پر کروڑوں روپے کے ہونے والے اخراجات الگ ہیں،نوجوانوں کے مطابق فروری ومارچ میں ہونے والے این ٹی ایس ٹسٹ میں کم و بیش 3فیصد مردو خواتین امیدوار کامیاب ہوئے ہیں جبکہ ماضی کے برعکس ایک ہفتہ کے دوران این ٹی ایس رزلٹ کی بجائے حالیہ دنوں میں تقریباًایک ماہ گذر جانے پر بھی نتیجہ کا باقاعدہ اعلان نہ ہو سکا ہے ،این ٹی ایس رزلٹ آؤٹ نہ ہونے پر بے روز گار امیدوار محمد عمر،عمران،زاہد حسین،فاروق بزدار،علی صفیان و دیگر نے کہا کہ اب حکومت این ٹی ایس کو ناکامی کو بچانے کیلئے لیا گیا امتحان منسوخ کرکے یا پھر ناکام امیدواروں کو کامیاب کرنے کی پلاننگ کر رہی ہے اور اسی خاطر رزلٹ اؤٹ نہیں کیا جا رہا کہ کہیں غریبوں کے بچے ایجوکیٹر بھرتی نہ ہوجائیں ،انہوں نے کہا کہ حکومت اپنے سسٹم کو بدنامی اور ناکامی سے بچانے کیلئے سوچ بچار کر رہی ہے لہذا وہ ایسا کرتی رہے رزلٹ آؤٹ کیا جائے تاکہ کامیاب امیدواران اپنی درخواستیں دیں اور ناکام امیدواروں کو پھر آئندہ بھرتی میں موقع دیا جائے انہوں نے کہا کہ اگر حکومت نے غربت بے روز گاری کی چکی میں پسنے والے نوجوانوں کا مزید استحصال کیا تو لاکھوں بے روز گار نوجوانوں کے اجتماع کا ہرگز سامنا نہ کر سکے گی۔