ڈیرہ غازیخان۔پیپلز پارٹی حقیقی معنوں میں جمہوریت کی علمبردار جماعت ہے،ہمارے قائدین نے ملکی سلامتی کیلئے قربانیاں دیں ۔ آئندہ الیکشن میں پیپلز پارٹی کلین سویپ کرے گی۔ میر شیریا رخان تالپو ر

ڈیرہ غازیخان(صبح پا کستان)پیپلز پارٹی بلاول بھٹو زرداری اور آصف علی زرداری کی قیادت میں متحد ومنظم ہے اور انشائاللہ آئندہ الیکشن میں پیپلز پارٹی کلین سویپ کرے گی۔آئندہ حکومت پیپلزپارٹی کی ہوگی وزیر اعظم میاں نواز شریف کو چاہیے کہ کرپشن کے زریعے اکٹھا کیا گیا پیسہ پاکستان لائیں تاکہ ملک سے غربت کا خاتمہ ہو اور ملکی قرضے ختم ہو سکیں ، پیپلز پارٹی شہیدوں کی جماعت ہے اور ہمارے قائدین نے ملکی سلامتی کیلئے قربانیاں دی ہیں ان خیالات کااظہار پاکستان پیپلز پارٹی کے ضلعی رہنما میر شیریا رخان تالپو رنے صحافیوں سے گفتگوکرتے ہوئے کہا ۔انہوں نے کہا کہ پاکستان پیپلز پارٹی حقیقی معنوں میں غریب عوام کی نمائندہ جماعت ہے اور پیپلز پارٹی کا نعرہ بھی ہمیشہ روٹی، کپڑا اور مکان رہا ہے ہمارے قائدین نے اس نعرے کو عملی جامہ پہنانے کیلئے بھرپور کردار ادا کیا ہے غریب لوگ موجودہ حکومت سے سخت تنگ ہیں لوگ غربت کے ہاتھوں تنگ آکر خود کشیاں کررہے ہیں۔ اور پیپلز پارٹی کے دور کو یاد کرر ہے ہیں انہوں نے مزید کہا کہ ہم اپنی جماعت کیلئے کسی بڑے سے بڑی قربانی سے گریز نہیں کریں گے اور اپنے قائدین کے ساتھ کندھے سے کندھا سے ملا کر چلیں گے۔ پیپلز پارٹی حقیقی معنوں میں جمہوریت کی علمبر دار جماعت ہے اور جمہوریت کیلئے ہمارے قائدین کی قربانیاں کسی سے ڈھکی چھپی نہیں۔