انتخاب
۔۔۔۔۔۔۔۔۔۔۔۔۔۔۔۔
رب اکٹھے ھو جان گے
طارق گجر
ابا میری اک گل من
توں ووٹاں پان نہ جایا کر
تینوں چیتا ھووے گا
ورھیاں پہلے ایہناں ووٹاں
ساڈے گھر دے ویہڑے اندر
کندھ کھڑی کیتی سی
ونڈ پا دتی سی
ووٹاں سانوں وکھ کیتا پر
ووٹاں اجے وی پیندیاں نیں
ایدھر پیندیاں اودھر پیندیاں
ایدھر وی تے اودھر وی
امیر ووٹ لیندا ھے
غرہب ووٹ دیندا ھے
ایدھر دا مزدور وی
اک ویلے کھاندا ھے
اودھر دا مزدور وی
اک ویلے کھاندا ھے
ایدھر وی انگریز دا
قانون پیا چلدا ھے
اودھر وی انگریز دا
قانون پیا چلدا ھے
ابا مینوں اک گل دس
جے سب کجھ سانجھا رھنا سی
تے ووٹاں کس لئی پئیاں سن
ونڈاں کس لئی پئیاں سن
پتر توں نہیں جان دا
ساڈے وچ تے اوھناں وچ
بہت وڈا فرق ھے
ساڈا رب مسیتے رھندا
رب اوھناں دا مندر وچ
ابا میری گل ھن سن
ایہ اکلوتا فرق وی
بس چھیتی دور ھو جائے گا
اوھ مسجد ڈھائی اوندے نیں
اسیں مندر ڈھائی اوندے آں
جدوں سارے ڈھے جان گے
رب اکٹھے ھوجان گے
………..
انتخاب کے عنوان کے تحت شاعروں کا منتخب کلام پیش کیا جا تاہے ۔
آپ بھی اس محفل میں شر کت کر سکتے ہی
اپنا کلام اپنی تصویر کے ساتھ ہمیں ای میل کریں
subhepak.com
