لیہ ۔ دن دیہاڑے ڈکیتی کی واردات ، موٹرسائیکل سوار دو ڈاکو کسان سے 9لاکھ 75ہزار روپے چھین کر فرار ہونے میں کامیاب

 دن دیہاڑے ڈکیتی کی واردات ، موٹرسائیکل سوار دو ڈاکو کسان سے 9لاکھ 75ہزار روپے چھین کر فرار ہونے میں کامیاب ، ایک گھنٹہ تک پولیس بے خبر

لیہ (صبح پا کستان)افسر نیا، ڈکیتی سٹائل پرانا، ڈی پی او کا ٹرانسفر بھی ڈکیتیوں کو نہ روک سکا، کروڑ روڈ پر دن دیہاڑے ڈکیتی کی واردات ، موٹرسائیکل سوار دو ڈاکو کسان سے 9لاکھ 75ہزار روپے چھین کر فرار ہونے میں کامیاب ، ایک گھنٹہ تک پولیس بے خبررہی ، تفصیلات کے مطابق گزشتہ روز دن دیہاڑے ڈکیتی کی واردات میں ڈاکو کاظمی چوک کے رہائشی رحمت اللہ سے 9لاکھ 75ہزارچھین کر فرار ہوگئے ، متاثرہ رحمت اللہ نے اپناٹریکٹر فروخت کیا اور کچہری میں کاغذات کی تکمیل کے بعد رقم لیکر مسلم کمرشل بینک آیا جہاں اس نے پیسوں کی پڑتال کرائی ، متاثرہ شخص جب واپس گھر جارہاتھا تو کالے کلر کے موٹرسائیکل125پرسوار دوڈاکوؤں نے بھلر کیٹل فارم کے ساتھ گھیر لیااور اسلحہ کی نوک پر کسان سے 9لاکھ 75ہزار روپے چھین کر فرار ہوگئے ، دلچسپ بات یہ ہے کہ سابق ڈی پی او غازی صلاح الدین کے آخری ماہ کے دوران دس ڈکیتیاں ہوئیں اور ہنڈا 125کالے کلر پہ سوار ڈاکوؤں نے کیں ،اب ضلعی پولیس سربراہ کے تبدیل ہونے سے ڈاکوؤں کا نہ سٹائل بدلا نہ وہ پولیس کے ہتھے چڑھے
رپورٹ ۔عبد الرحمن فریدی پریس رپورٹر