راجن پور( صبح پا کستان )سانحہ لاہور میں شہید ہونے والے افراد کے لئے محکمہ سوشل ویلفیئر کے شعبہ صنعت زار میں قرآن خوانی منعقد ہوئی جس میں ڈائریکٹر سوشل ویلفیئر ڈیرہ غازی خان فاروق احمد ،ڈپٹی ڈائریکٹر سوشل ویلفیئر راجن پور شازیہ نواز ،سپریٹنڈنٹ دارالامان صباء زہرا ،منیجر صنعت زارنادیہ نواز اور دیگر سٹاف نے شرکت کی۔اس موقع پر ڈائریکٹر سوشل ویلفیئر ڈیرہ غازی خان فاروق احمدنے کہا کہ یہ سانحہ لاہورپر جتنا بھی افسوس کیا جائے کم ہے ۔ہم سب اس کی مذمت کرتے ہیں ۔انہوں نے کہا کہ ڈویثرن ڈیرہ کے تینوں اضلاع کے سوشل ویلفیئر آفسز میں قرآن خوانی کا اہتمام کیا گیا ہے۔انہوں نے کہا کہ جو لوگ انسانیت کے دشمن ہیں وہ کسی رعائت کی مستحق نہیں ہیں۔آخر میں دعا کرتے ہوئے کہا کہ شہید ہونے والے افراد کے لواحقین کو اللہ تعالیٰ صبر و جمیل عطا فرمائے اور شہید ہونے والوں کے درجات بلند کرے۔
