راجن پور( صبح پا کستان )سول کورٹ راجن پور میں ملازمین کے ریٹائر منٹ کے موقع پر الوداعی تقریب منعقد کی گئی ۔اس تقریب میں سینئر سول جج ایڈمن ملک محمد ندیم اقبال ،سینئر سول جج خرم شہزادخان میرانی ،سول جج میاں محمد احمد نے ریٹائر ہونے والے ملازمین میں شیلڈ اور تحائف دئیے انہوں نے کہا کہ یہ ملازمین ہمارے ادارے کا سرمایہ تھے۔ان کے لئے ہمارے دروازے ہر وقت کھلے ہیں اور ان کی خدمات کو یاد ہمیشہ یاد رکھا جائے گا۔اس موقع پر ریٹائرمنٹ ہونے والے خدا بخش نائب ناظر جام پور،حافظ جاوید نائب ناظر ،محمد صفیان بیلف روجھان نے بھی اپنے اپنے خیالات کا اظہار کرتے ہوئے کہا ہے کہ آج ہمیں خوشی ہو رہی ہے کہ اپنی ملازمت کی مدت پوری کرنے کے بعد خیر و خوشی سے ریٹائر ہو رہے ہیں اور ان شفیق افسران نے جتنا ہمیں عزت دی ہے ہم یاد رکھیں گے۔یہ تقریب کا آغاز تلاوت کلام پاک اور نعت رسول مقبول ﷺ سے کیا گیا جن کا شرف راؤ اکمل جمیل اور جاوید رحیم نے حاصل کیا۔ اس تقریب میں سول جج احمد عمران مظہر، سول جج شیخ ثناء اللہ ،سول جج غلام جابر،سول جج خرم سہیل محموداور دیگر ججز موجود تھے
