لاہور ۔ وزیر اعلی سے اویس لغاری کی ملاقات، ترقیاتی منصوبوں پر تبادلہ خیال ,جنوبی پنجاب کے عوام کی ترقی و خوشحالی کیلئے اضافی وسائل فراہم کئے جار ہے ہیں۔شہباز شریف

لاہور( مانیٹرننگ ڈیسک )وزیر اعلیٰ پنجاب میاں محمد شہباز شریف سے رکن قومی اسمبلی سردار اویس لغاری کی ملاقات، جنوبی پنجاب میں جاری ترقیاتی منصوبوں پر تبادلہ خیال کیا گیا۔

سٹی 42ٹی وی کے مطابق وزیر اعلیٰ پنجاب میاں محمد شہباز شریف سے ایم این اے سردار اویس لغاری نے ماڈل ٹائون میں ملاقات کی، اس موقع پر وزیراعلیٰ پنجاب کا کہنا تھاکہ اربوں روپے کے نئے منصوبوں پر بھی تیز رفتاری سے کام جاری ہے۔

انہوں نے کہا کہ جنوبی پنجاب کی ترقی و خوشحالی کے پروگراموں پر پیشرفت کی ذاتی طور پر نگرانی کر رہا ہوں اور جنوبی پنجاب کے عوام کی ترقی و خوشحالی کیلئے اضافی وسائل فراہم کئے جار ہے ہیں۔

اُنہوں نے مزید کہا کہ مفاد عامہ کے منصوبوں کی مخالفت عام آدمی کی ترقی اور خوشحالی کی مخالفت ہے۔

شہباز شریف نے کہا کہ میگا پراجیکٹس کی تکمیل سےعوام کو ثمرات مل رہے ہیں۔
source…
http://city42.tv/punjab-government/2017/04/04/mna-awais-leghari-meets-shahbaz-sharif-discusses-development-projects/