جنگ مسلط کی گئی تو پاکستانی ایک قوم بن کر دشمن کے دانت کھٹے کر دے گی ۔
پاکستان کا بچہ بچہ ملک پر جان نچھاورکرنے کیلئے تیار ہے
پاکستانی عوام پاک فوج کے شانہ بشانہ بھارت کو منہ توڑ جواب دینے کیلئے تیار ہے،
دفاع ملک کی سالمیت کے تحفظ کی خاطر ضرورت پڑی تو پاکستان ایٹم بم چلانے سے گریز نہیں کرے گا،
لیہ(صبح پا کستان)71ء نہیں پاکستان دھوکہ نہیں کھائیں گیجنگ مسلط کی گئی تو انتشار کا شکار پاکستانی ایک قوم بن کر دشمن کے دانت کھٹے کر دے گی دشمن کو اس کے گھر میں گھس کر ماریں گے پاکستان کو دشمن پر حملہ کرنے کیلئے کسی ملک کی سرحد کو عبور کرنا ہے نہ ہی سمندر راستہ میں رکاوٹ بنے گا پاکستان کا بچہ بچہ ملک پر جان نچھاورکرنے کیلئے تیار ہے،پاکستانی عوام پاک فوج کے شانہ بشانہ بھارت کو منہ توڑ جواب دینے کیلئے قدم کے ساتھ قدم ملا کر چلنے کیلئے تیار کھڑی ہے، ،جنگ مسلط ہو گئی تو انڈیا کو منہ کی کھانی پڑے گی،پوری صلاحتیوں کے ساتھ مقابلہ کریں گے اور کوشش کریں گے کہ اس کے بعد پھر جنگ کی نوبت نہ آئے ان خیالات کا اظہار پاکستان پر جنگ مسلط کی گئی تو کے حوالے سے سروے میں لیہ کے وکلا،سیاسی و سماجی ادبی شخصیات نے اظہار خیال کرتے ہوئے کیا ،معروف دانشور سابق چیئرمین تعلیمی بورڈ ڈیرہ غازیخان پروفیسر ڈاکٹر ظفر عالم ظفری نے کہا کہ بھارت نے اگر اپنے مذموم مقاصد کیلئے پاکستان پر حملہ کیا تو غیو پاکستانی افواج کو سمندر عبور کرنا ہے نہ ہی کسی کی سرحد راستہ میں رکاوٹ بنے گی ،پاکستان تاریخ کی سابقہ شکستوں کا بدلہ جنگ 2016ء میں لے گا انہوں نے کہا کہ فرقوں میں بٹی قوم یا تعصبات کا شکار پاکستانی ایک قوم کی حیثیت سے ملک دشن کے سامنے سیسہ پلائی دیوار کی مانند کھڑے ہو جائیں گے ،پرنسپل گورنمنٹ پوسٹ گریجویٹ کالج لیہ پروفیسر ڈاکٹر اختر وہاب نے کہا کہ پاکستانی قوم کو آرمی پبلک سکول پشاور ،کوئٹہ سمیت دیگر سانحات نے سنبھلنے اور کھڑا ہونے کا موقع دیا ہے اگر بھارت نے پاکستان پر جنگ مسلط کی تو جو قوم بظاہر آج منتشر ہے اپنے دفاع کیلئے یکجان کھڑی ہو کر دشمن کا مقابلہ کریگی اور سے عبرتناک شکست دیگی ،مسلم لیگی ایم پی اے چوہدری اشفاق احمد نے کہا کہ بھارت مجاہدوں کی سر زمین پر حملہ کرنے کی جرآت نہیں کریگا اگر قوم کی دفاع ملک کی سالمیت کے تحفظ کی خاطر ضرورت پڑی تو پاکستان ایٹم بم چلانے سے گریز نہیں کرے گا، سابق ایم پی اے و صوبائی نائب امیر جماعت اسلامی پنجاب چوہدری اصغر علی گوجر نے کہا کہ پوری صلاحتیوں کو بروئے کار لاتے ہوئے انڈیا کو منہ توڑ جواب دیں گے اور کوشش کریں گے کہ اس بعد دوبارہ جنگ نہ ہو،پرائیویٹ سکول ایسوسی ایشن کے ضلعی صدر محمد علی نے کہا کہ انڈیا کو ہر طرح سے منہ توڑ جواب دینے کیلئے ہر وقت تیار ہیں اگر جنگ ہوئی تو پھر صرف پاکستانی بن کر ہر محاذ پر جانے اور لڑنے کیلئے اپنی خدمات ملک کو دے دیں گے،کسی پارٹی ،سیاسی کارکن کی حیثیت نہیں بلکہ صرف پاکستانی ہونگے اللہ اکبر کے نعرہ کی گونج انڈیا کو خاکستر کر دے گی،سابق صدر بار شیخ جاوید اختر نے کہا کہ انڈیا پاکستان دونوں ایٹمی قوتیں ہیں موجودہ حالات میں جنگ بظاہر ممکن نہ ہے اگر ہوئی تو ہولناک ہو گی،سینئر رہنما پاکستان پیپلز پارٹی ڈاکٹر جاوید اقبال کنجال نے کہا کہ اگر پاکستان کو جنگ کا سامنا کرنا پڑا تو پاکستان کی پوری قوم اتحاد و قوت کے ساتھ سیسہ پلائی دیوار بن جائے گی اور بھارت کو منہ کی کھانی پڑے گی سابق جنرل سیکرٹری ڈسٹرکٹ بار غلام مرتضی ملیانی نے کہا کہ اللہ جنگ کی تباہ کاری سے محفوظ رکھے اگر جنگ مسلط ہو گئی تو دلیری کے ساتھ پاکفوج کے شانہ بشانہ منہ توڑ جواب دیں گے پاک فوج اور پاکستانی قوم کسی حوالے سے کمزور نہیں،سول سوسائٹی کے سینئر رکن میاں زاہد ریاض نے کہا کہ بھارت پاکستان پر حملہ کی حماقت ہرگز نہیں کرے گا اگر بھارت نے حملہ کیا تو سول سوسائٹی پاک فوج کے شانہ بشانہ ملک نظریاتی ،جغرافیائی سرحدوں کی حفاظت کرے گی،ینگ لائر میاں معظم علی ایڈووکیٹ نے کہا کہ پاک فوج کی قیادت بہادر جرنیل کے ہاتھ میں ہے قوم فوج کے شانہ بشانہ دفاع وطن کا فریضہ سرانجام دیگی اور جنگ 1965ء کے تاریخ ساز واقعات کو ایک مرتبہ پھر اپنی لازوال قربانیون سے زندہ کر دیگی وکلاء برادری آزمائش کی اس گھڑی میں ملک و قوم کے وقار سالمیت کے تحفظ کیلئے کسی قربانی سے دریغ نہیں کرے گی۔
رپورٹ ۔ عبد الرحمن فریدی
