لیہ(صبح پا کستان)محرم الحرام کا پُرامن انعقاد،پولیس کے تمام شعبوں کی ان تھک محنت ،افسران واہلکاران نے جذبہ خدمت اور جانفشانی سے فرائض سرانجام دیئے،بہترین سیکورٹی انتظامات پر پنجاب حکومت سمیت اعلیٰ افسران کا بھی خراج تحسین ،سوّل سوسائٹی ،ممبران امن کمیٹی کا کرداربھی مثبت رہا،درپیش چیلنجز سے پروفیشنل طریقے سے نمٹاگیا ،بہترین ڈیوٹی سرانجام دینے پر افسران وجوانوں کو شاباش، ڈی پی اولیہ کا پولیس افسران کے اعزازمیں دیئے گئے عشائیہ میں خطاب . تفصیلات کے مطابق محرم الحرام میں بہترین سیکورٹی ڈیوٹی سرانجام دینے پر ڈی پی او لیہ کی طرف سے پولیس افسران کے اعزازمیں گزشتہ رات پولیس لائن ریسٹ ہاؤس میں عشائیہ کا اہتمام کیاگیا جس میں ڈی ایس پی صدر سرکل محمداکرم خان نیازی،ڈی ایس پی کروڑ سرکل رمیض بخاری،ڈی ایس پی چوبارہ سرکل واجدعلی بھروانہ ،ڈی ایس پی ٹریفک اقبال ظفر ،ڈی ایس پی لیگل محمداصغر اولکھ سمیت ضلع بھر کے ایس ایچ اوز ،انچارج سیکورٹی،انچارج CIAاور دفتری عملہ شریک ہوا قبل ازیں ڈی پی او نے پولیس افسران سے خطاب کرتے ہوئے کہا کہ پولیس افسران وجوانوں نے حساس ایام میں جذبہ سے سرشارہوکر فرائض سرانجام دیئے اور محکمہ پولیس کے تمام شعبہ جات کی ان تھک محنت کے سبب ہی محرم الحرام کا پُرامن انعقادممکن ہوا جبکہ اس دوران درپیش چیلنجز سے پروفیشنل طریقے سے نمٹاگیا انھوں نے کہا کہ مسلسل ڈیوٹی کے باوجود پولیس اہلکاران نے بہترین ڈسپلن ،فرض شناسی کی مثال قائم کرتے ہوئے ایک سنہری باب رقم کیا قابل ستائش کارکردگی پر میرے سمیت اعلیٰ افسران بھی مطمئن ہیں اور مؤثر سیکورٹی انتظامات کرنے پرپنجاب حکومت اوراعلیٰ افسران کی طرف سے بھرپور خراج تحسین پیش کیاگیا جوکہ ضلعی پولیس کیلئے باعث فخرہے انھوں نے کہا کہ بہترین سیکورٹی ڈیوٹی سرانجام دینے پر تمام ایس ڈی پی اوز ،ایس ایچ اوز اوران کی پوری ٹیم کو مبارکباد اور خراج تحسین پیش کرتاہوں اور پُرامید ہوں کہ پولیس آفیشلزآئندہ بھی اپنی ذمہ داریاں ایک مقدس فریضہ سمجھتے ہوئے سرانجام دیتے رہیں گے ڈی پی او نے اس موقع پر سوّل سوسائٹی ،ممبران امن کمیٹی،تمام مکاتب فکر کے اراکین ،منتظمین مجالس وجلوس ہائے کے قیام امن میں تعاون کو بھی سراہا۔
