لیہ ( صبح پا کستان ) ضلعی پولیس کی سماج دشمن عناصرکے خلاف بھر پور کاروائیوں کا سلسلہ جاری ،تھانہ کروڑ پولیس کی کاروائی بھاری مقدار میں منشیات برآمد ،مکروہ دھندہ میں ملوث عناصر کو انسانی جانوں سے نہیں کھیلنے دیں گے ایس ایچ او سرفراز گاڈی ۔تفصیلات کے مطابق ڈی پی او لیہ کیپٹن (ر) محمد علی ضیاء کی ہدایت کی روشنی میں جاری خصوصی کمپین کے دوران ضلعی پولیس کا منشیات فروشوں کے خلاف کریک ڈاؤن جاری ہے،تھانہ کروڑ پولیس نے سماج دشمن عناصر کیخلاف کاروائی کرتے ہوئے شراب کی بٹھی ریڈ کر کے 50لیٹر دیسی شراب،300لیٹر لہن اورشراب کشید کرنے والے آلات برآمد کر کے ملزم محمد عمران شاہ کو گرفتار کرلیا جبکہ ملزم کے قبضہ سے 2کلو 200گرام چرس بھی برآمد ہوئی ملزم کے خلاف دو الگ الگ مقدمات درج کر لیے گئے ایس ایچ او سرفراز گاڈ ی نے گفتگو کر تے ہوئے کہا کہ مکروہ دھندے میں ملوث عناصر کو انسانی جانوں سے نہیں کھیلنے دیا جائے گا اور ایسے عناصر کے خلاف بھر پور کاروائی کا سلسلہ جاری ہے
