لیہ( صبح پا کستان)کھیل نوجوانوں کی مثبت صلاحیتیں اجاگر کرنے میں اہم کردار کرتے ہیں ،جہاں کھیلوں کے میدان آباد ہوں وہاں کے ہسپتال ویران ہوتے ہیں ان خیالات کا اظہار پیر سید رفاقت علی شاہ گیلانی نے محمد شفیع کھوٹ مرحوم میموریل سیون سٹاف چوکا سسٹم کی اختتامی تقریب سے خطاب کرتے ہوئے کیا ۔کرکٹ ٹورنامنٹ چک نمبر151Aٹی ڈی اے محمد شفیع کھوٹ مرحوم میموریل سیون سٹا ر چوکا سسٹم فلڈ لائٹ ٹورنامنٹ منعقد کیا گیا فرسٹ فرائز12000،سیکنڈ پرائز6000ہوگا ،انٹری فیس 500روپے رکھی گئی تھی ۔میچ کا فائنل ملک سی سی کرکٹ کلب اور لالہ جی کرکٹ کلب کے درمیان کھیلا گیا ۔فائنل ملک سی سی کرکٹ کلب نے جیت لیا۔پیر سید رفاقت علی شاہ گیلانی نے ملک سی سی کرکٹ کلب کے کپتان ملک خضر کھوٹ کو فرسٹ پرائز دیا اور کھلاڑیوں کی حوصلہ افزائی کی ۔ٹورنامنٹ کے معاون خواص پیر سید رفاقت علی شاہ گیلانی امیدوار ایم پی اے لیہ ،حاجی مہر ریاض احمد کلاسرہ،ملک عمر حیات کھوٹ،سیٹھ بشیر احمد کھوٹ،غلام فرید کھوٹ،مہر فاروق کلاسراتھے ۔ملک سی سی کرکٹ کلب کی ٹیم میں کیپٹن ملک خضر حیات کھوٹ ،امان اللہ کھوٹ ،عباس کھوٹ،مظہر گھلو،راشد مغل،ظفر اقبال لوہانچ،ذکاء اللہ ،عباس علوی ،صادق سواگ محمد عارف محمد اسلم نمبر دارودیگر شامل تھے ۔
