لیہ ۔پی پی پی رہنما پیر رفاقت علی گیلانی پی ٹی آئی میں شامل ،بنی گالا میں عمران خان ، جہانگیر ترین سے ملاقات ، ملک نیا زجکھڑاور بشارت علی رندھاوا بھی موجود تھے

لیہ(صبح پا کستان)چیئر مین یونین کونسل تھل جنڈی و پی پی پی کے رہنما پیر رفاقت علی گیلانی پی ٹی آئی میں شامل، بنی گالا میں عمران خان ، جہانگیر ترین سے ملاقات کے دوران شمولیت کا اعلان کیا۔ بنی گالا میں ملاقات کے دوران سابق ایم این اے ملک نیا زجکھڑ، ضلعی صدر پی ٹی آئی بشارت علی رندھاوا بھی موجود تھے۔ چیئرمین پی ٹی آئی عمران خان نے پیر رفاقت گیلانی کو خوش آمدید کہتے ہوئے پارٹی کے لئے خدمات سرانجام دینے کی ہدایت کی۔ عمران خان سے گفتگو کرتے ہوئے پیر رفاقت گیلانی نے کہا کہ ملک سے کرپشن، رشوت کے خاتمے سمیت ملک کوترقی یافتہ بنانے کے وژن کے ساتھ ہیں اور ہر موقع پر پارٹی کے لئے بڑھ چڑھ کر خدمات سرانجام دیں گے۔ یاد رہے کہ پیر رفاقت گیلانی کچھ عرصہ قبل سابق وزیر اعظم پاکستان یوسف رضا گیلانی کی لیہ آمد کے موقع پر منعقدہ جلسے میں پیپلزپارٹی میں شمولیت کا اعلان کیا اور بعدازاں آزاد حیثیت سے یونین کونسل کے چیئر مین منتخب ہوئے۔ پیر رفاقت گیلانی لیہ شہر سے صوبائی حلقہ پی پی 266سے امیدوار ہیں اور سابق ایم این اے ملک نیاز جکھڑ کے ساتھ پینل بھی بنا چکے ہیں۔