لیہ(صبح پا کستان)وزیر اعظم پاکستان کے دورہ لیہ پر والہانہ استقبال و عوامی اجتماع میں بھر پور شرکت کر کے جلسہ کو کامیاب بنانے پر ضلع لیہ کی عوام کا بے حد شکریہ اور بی زیڈ یو بہادر کیمپس کو بہت جلد یونیورسٹی کا درجہ دے دیا جائے گا ۔یہ بات صوبائی وزیر اقدامات برائے قدرتی آفات مہر اعجاز احمد اچلانہ نے وزیر اعلی پنجاب سے ملاقات کے بعد کہی۔صوبائی وزیر نے بتایا کہ وزیر اعلی پنجاب محمد شہباز شریف نے وزیر اعظم پاکستان کے دورہ لیہ کے موقع پر بھر پور استقبال کرنے اور عوامی اجتماع میں شرکت پر ضلع لیہ کی عوام کا شکریہ ادا کیا ہے اور بی زیڈ یوبہادر کیمپس کو بہت جلد یونیورسٹی کا درجہ دینے کی یقین دہانی کروائی۔
