لیہ ۔میپکوٹیم کا چھاپہ ،2 بجلی چورپکڑے گئے ،مقدمات درج ،1لاکھ50ہزار روپے جرمانہ

لیہ(صبح پا کستان)میپکوٹیم کا چھاپہ ،2 بجلی چورپکڑے گئے ،مقدمات درج ،1لاکھ50ہزار روپے جرمانہ ،تفصیل کے مطابق میپکو ایس ڈی او سیکنڈ سب ڈویژن لیہ انجینئر علی حسن جاوید ، لائن سپریٹنڈنٹ عبدالکریم خان ،ملک سجاد حسین ،نسیم خان قیصرانی نے لیہ شہر میں پیپلز پارٹی کے ضلعی رہنما شیخ بدر منیر کے گھر پر چھاپہ مارا جہاں وہ ڈائریکٹ کنڈی لگا کر بجلی چوری کرتے پکڑے گئے ،جنہیں 60ہزار روپے جرمانہ ،جبکہ محلہ گڑیانوی میں عرفان خان کو بجلی چوری کرتے رنگے ہاتھوں پکڑ لیا جس سے90ہزار روپے جرمانہ وصول کر کے مقدمات درج کر لئے گئے ،ایس ڈی او انجینئر علی حسن جاوید نے گفتگو کرتے ہوئے کہا کہ بجلی چور قومی مجرمان ہیں انہیں کسی صورت معاف نہیں کیا جائے گا ،عوام بجلی چوری کے خلاف قومی مہم کا حصہ بن کر اپنا قومی فریضہ سر انجام دیں ،انہوں نے کہا کہ بجلی چور خواہ کتنا ہی با اثر کیوں نہ ہو قانون کی گرفت نہیں بچ سکتا ۔