لیہ(صبح پا کستان) انٹرنیشنل نرسنگ ڈے کے حوالے سے ڈسٹرکٹ ہیڈ کوارٹر ہسپتال لیہ میں نرسنگ ایسوسی ایشن کے زیر اہتمام تقریب کا اہتمام کیا گیا تقریب میں چیئرمین نرسنگ ایسوسی ایشن عابدہ علوی ،صدر بشریٰ گل،جنرل سیکرٹری عائشہ زریں و دیگر نے کیک کاٹا تقریب سے چیئرمین عابدہ علوی نے تقریب سے خطاب کرتے ہوئے کہا کہ نرسنگ کی خدمات پر روشنی ڈالی اور کہا کہ یہ پیشہ عزت و آبرو والا پیشہ ہے ہم ہسپتالوں میں آنے والے دکھی ،پریشان مریضوں کی خدمات اور تیمارداری اور علاج معالجہ اللہ کی رضا کیلئے کرتے ہیں ہسپتالوں میں ایسے مریض بھی لائے جاتے ہیں جن کے لواحقین بھی ان کو ہاتھ لگانا گوارا نہیں کرتے لیکن یہی نرس ہوتی ہے جو اس کا بستر بھی ٹھیک کرتی ہے اس کو ادویات بھی ٹائم پر دیتی ہے اور تیمارداری بھی کرتی ہے یہ صرف اور صرف اللہ کی رضا کی خاطر کرتے ہیں انہوں نے کہا کہ ہم بھی معاشرہ کے لوگوں سے یہ توقع رکھتے ہیں کہ ہماری خدمات کے عیوض وہ بھی ہمیں عزت و تکریم کی نگاہ سے دیکھیں اس موقع پر ڈی ایچ کیو ہسپتال کی اکثریت نرسوں نے تقریب میں شرکت کی۔
