لیہ(صبح پا کستان) اپیکا ڈی سی آفس کے نومنتخب عہدیداران کی حلف برداری کی تقریب ڈی سی آفس کے لان میں منعقد ہوئی جس کی صدارت ڈپٹی کمشنر واجد علی شاہ نے جبکہ مہمان خصوصی جنرل سیکرٹری اپیکاپنجاب فخر الرحمان اظہر تھے۔صدراپیکامظفر گڑھ وزیر احمد دستی ،ضلعی صدر اپیکا لیہ رانا محمد افضل ،ڈی ایم او عثمان منیر بخاری ،اے سی کوراڈی نیشن محمد سلمان تنویر،اسسٹنٹ کمشنر کروڑ محمد تنویریزداں ،اے سی چوبارہ صفات اللہ خان ،صدر انجمن پٹواریان ،صدرایجوکیشن یونٹ ملک الہی بخش کے علاوہ کلرکس کی کثیر تعداد نے شرکت کی۔تقریب میں سابقہ صدر ملک منصور الہی ،ملک محمد بخش،لعل خان،چوہدری محمد رفیق کو ملک امتیاز کلوری پنڈال میں لائے اور اُ ن کی خدمات کو خراج تحسین پیش کیاگیا۔
تقریب سے محبوب ساجد ،حاجی محمد صدیق ،فخرالرحمن اظہر،رانا محمد افضل ،چوہدری عبدالرشیدنے خطاب کرتے ہوئے پنجاب حکومت کی کلرکس کی اپ گریڈیشن پر خدمات کو سہرایا اور مہنگائی کے تناسب سے تنخواؤں میں اضافے کا مطالبہ کیااور حافظ محمد سلیمان تنویرنے حکومتی پالیسی کے مطابق کلرکس کے جائز مطالبات کی منظوری کے لیے بھرپور کا تعاون کا یقین دلاتے ہوئے مجموعی طو رپر شکریہ ادا کیا۔قبل ازیں ڈپٹی کمشنر واجد علی شاہ نے نومنتخب صدر چوہدری عبدالرشید ،جنر ل سیکرٹری حاجی محمد صدیق و یگر عہدیدارن ملک امتیاز کلوری ،ملک محمد اکرم،محمد اقبال سمرا،شیخ غلام مرتضی ،محمد ارشد بھٹی،پرویز سردار،ملک خالد جاوید،سید امتیاز حسین شاہ ،رانا محمد آصف سے ان کے عہدئے کا حلف لیااور مبارک باد دی۔
