لیہ( صبح پا کستان) انجمن پٹواریان کا اجلاس تلاوت کلام پاک سے ہوا جس کی سعادت حاجی احمد نواز پٹواری جنرل سیکرٹری تحصیل لیہ نے حاصل کی اور نعت مقبول کیلئے ملک قدیر احمد جکھڑ ضلعی صدر نے سعادت حاصل کی جس میں سٹیج سیکرٹری کا کردار ریاض احمدقیصر قصرانی گرداور نے ادا کیا ۔اجلاس میں عابد حسین کلیار اسسٹنٹ کمشنر ریونیو لیہ اور محمد ارشد احمد وٹو جی آر اے لیہ اورشیخ عامر حیات تحصیلد ار محال لیہ اور جناب چوہدری محمد سعید گھمن نائب تحصیلدار لیہ نے بھی شرکت کی ۔مہر محمد ہاشم پٹواری صدر انجمن پٹواریان لیہ نے کہا کہ ہم نعیم اللہ بھٹی اے ڈی سی لیہ کی صلح کرانے کی کوششوں کو سر ہاتے ہیں اور ان کے ساتھ آنے والے تمام افسران کا بھی شکریہ ادا کرتے ہیں کہ انہوں نے ہمیں ہمارے انجمن پٹوارایان کے پلیٹ فارم پر آکر پٹواریان کی کارکردگی کی حوصلہ افزائی کی اور معاملہ کو سلجھایا ۔۔اسی اثناء میں کمپیوٹر سنٹر کے بارے میں بحث مباحثہ ہوا جس میں محمد شہزاد انچارج کمپیوٹر اراضی سنٹر تحصیل کو بھی بلوایا گیا ۔کمپیوٹر کے معاملات کے بارے میں بھی وضاحتی خطاب ہو ا۔آخر میں صدرمہر محمد ہاشم انجمن پٹواریان تحصیل لیہ نے قلم چھوڑ ہڑتال ختم کرنے کا اعلان کیا اور تمام پٹواریوں کو اپنے اپنے کام خوش اسلوبی سے کرنے کی ہدایت دی اجلاس کے اختتام پر ملک وقوم کی سلامتی کی دعا کی گئی ۔
