لیہ(صبح پا کستان)الخدمت فاؤنڈیشن کے زیر انتظام آرفن کیئر پروگرام کے تحت یوم آزادی تقریب سے خطا ب کرتے ہوئے سابق پارلیمانی لیڈر پنجاب اسمبلی چوہدری اصغر علی گوجر نے کہا کہ جماعت اسلامی ملک میں کرپشن فری خوشحال پاکستان کیلئے جدوجہد کررہی ہے جس میں اسلام کو نظام زندگی کے طور پر بالا دستی حاصل ہو،جماعت اسلامی مساویانہ طرز زندگی گذارنے کیلئے ہر فورم میں کام کررہی ہے الخدمت فاؤنڈیشن کے تحت چلنے والے آرفن کیئر پروگرام کے تحت یتیم بچوں کی تعلیم تربیت کیلئے کام کررہی ہے آج پاکستان کی آزادی کا پروگرام ان بچوں کے ساتھ منا کر عملی کام کیا ہے اس موقع پر سابق چیئرمین بورڈ ڈاکٹر ظفر عالم ظفری ،پروفیسر فاروق حیات،ضلعی صدر الخدمت فاؤنڈیشن رضوان احمد خان نے بھی خطاب کیا قبل ازیں طلبا و طالبات کے درمیان تقریری و ملی نغموں کے مقابلوں کا انعقاد بھی کیا گیا جس میں ججز کے فرائض پروفیسر ظفر عالم ظفری،پروفیسر فروق حیات نتکانی،عبدالرحمن فریدی نے سرانجام دیئے،تقریری مقابلہ میں محمد وقاص،لائبہ صادق،کرن الیاس اور ملی نغمہ کے مقابلہ میں محمد فراز،راشد اور سویرا شفیق نے باالترتیب اول دوئم اور سوئم پوزیشن حاصل کی۔
