نادرا آفس کوٹ سلطان میں اہلکاروں کا سائلین کے ساتھ ناروا رویہ ، سہولیات کا فقدان
کوٹ سلطان (صبح پا کستان) نادرا آفس کوٹ سلطان میں اہلکاروں کا سائلین کے ساتھ ناروا رویہ ، سہولیات کا فقدان ۔ گزشتہ سال کوٹ سلطان میں ایک کمرہ پر قائم ہونے والا نادرا کا دفتر اہل علاقہ کے لیے باعث اذیت بنا ہو اہے مردو خواتین کے لیے بیٹھے کا کوئی خاطر خواہ انتظام نہیں ہے مرد و خواتین کے لیے شناختی کارڈ اور ب فارم کے اجراء کے لیے بھی بغیر پردے کے انتظام کے مرد و زن کو اکٹھے طریقہ کار عمل سے گزرنا پڑتا ہے علاوہ ازیں انتظار گاہ نہ ہونے کی وجہ سے سائلین دن بھر کڑی دھوپ میں کھلے آسمان تلے بیٹھنے پر مجبور ہیں ،دفتر کے عملہ کا سائلین کے ساتھ رویہ بھی انتہائی نازیبااور کرخت ہے ،نادرا آفس میں موجود ٹاؤٹ حضرات کی وجہ سے سائلین کو شدید مشکلات کا سامنا ہے سائلین کے مطابق عملہ آئے روز مختلف حیلوں بہانوں سے انہیں تنگ کرتا ہے سائلین محمد خالد ،محمد بلال عطاری ،محمد شہباز ،محمد اشرف،محمد نوید اقبال،مختیار بی بی ،رضیہ مائی اور دیگر نے وزارت داخلہ سے اصلاح احوال کا مطالبہ کیا ہے ۔
رپورٹ ۔ ملک فہیم منجوٹھہ پریس رپورٹر
