جمن شاہ (صبح پا کستان)ممبر قومی اسمبلی سید ثقلین شاہ بخاری نے جمن شاہ میں سوئی گیس منصوبہ کاافتتاح کر دیا۔ افتتاحی تقریب سے خطاب کرتے ہوئے ایم این اے سید ثقلین شاہ نے کہاکہ الیکشن 2013میں عوام سے کئے گئے وعد ے پورے کئے جارہے ہیں،ا نہوں نے کہاکہ میں نے سیاست دعوؤں نے کی نہیں بلکہ ان پر عمل کر کے دکھایا ۔ انہوں نے کہا کہ جمن شاہ کے ساتھ پہاڑ پور میں بھی گیس فراہم کر دی ہے۔ ایم این اے کا کہنا تھا کہ مسلم لیگ ن کی حکومت عوام کو بنیادی سہولیات کے ساتھ ساتھ اللہ کی دی ہوئی نعمتیں بھی پہنچارہی ہے۔ اس موقع پر خطاب کرتے ہوئے امیدوار صوبائی اسمبلی مہر محمد طفیل لوہانچ نے کہاکہ جمن شاہ کی عوام کا دیرینہ گیس کا مطالبہ پورا ہو گیا ہے جس سے کسی شخص کو نہیں بلکہ خاندانوں کو فائدہ پہنچے گا۔ انہوں نے کہا کہ عوام ترقی کے لئے مسلم لیگ ن کا انتخاب کریں۔ جلسہ سے خطاب کرتے ہوئے چیئر مین یونین کونسل جمن شاہ مہر احمد حسن کلاسرہ، چیئر مین یوسی سرشتہ تھل مہر ریاض میلوانہ نے کہاکہ جمنشاہ کے شہری خوش نصیب ہیں کہ انہیں پورے ملک میں گیس کی فراہمی پر پابندی کے باوجود گیس مل گئی ہے۔ جلسہ سے سابق یوسی ناظم سید افتخار شاہ، ممبر میونسپل کمیٹی لیہ اظہر خان ہانس، کونسلر مہر اللہ وسایا کلاسرہ، حاجی انور گبر، رانا قمر احسان نے بھی خطاب کیا۔ قبل ازیں افتتاح کے لئے جمن شاہ پہنچنے پر سید ثقلین شاہ کا بھر پور اور شاند ار استقبال کیا گیا۔ شہریوں نے ایم این اے کو ہار پہنائے اور مسلم لیگ ن زندہ باد کے نعرے۔ ممبر قومی اسمبلی نے جمن شاہ مین چوک میں سوئی گیس فراہمی منصوبے کا افتتاح کیا جس میں لوگوں کی کثیر تعداد موجود تھی۔
