ڈیرہ غازیخان(صبح پا کستان) حکومت پنجاب کی ہدایت پر ضلع ڈیرہ غازیخان میں یوم پاکستان ملی جوش و جذبے سے منایا گیا. مرکزی تقریب ڈی جی خان آرٹس کونسل میں منعقد ہو ئی. مہمان خصوصی کمشنر ڈیرہ غازیخان ڈویژن اللہ رکھا انجم نے خطاب کرتے ہوئے کہا کہ 23مارچ تجدید عہد کا دن ہے پاکستان کی تعمیر و ترقی کیلئے متحد ہو کر 1940والا جذبہ پوری دنیا کو دکھائیں گے. ملک کو انتہا پسندی اور فسادیوں سے چھٹکارہ دلانے کیلئے انتظامیہ کے ساتھ ہر ممکن تعاون کیا جائے گا. کمشنر نے کہاکہ زندہ قومیں ایسے ایام کبھی نہیں بھولتیں . مقررین اور شرکاء کا جذبہ دیکھ کر قوی امید ہے کہ پاکستان کا مستقبل تابناک ہو گا. کمشنر نے بھی اپنے خطاب میں پاکستان زندہ باد کے نعرے اور اراکین اسمبلی و بچوں کے ساتھ سوہنی دھرتی ملی نغمہ گنگنا کر شرکاء کا جذبہ کا مزید بڑھایا.رکن قومی اسمبلی بیگم شہناز سلیم اور ایم پی اے بیگم نجمہ ارشد نے خطاب کرتے ہوئے کہاکہ مسلم لیگ ن کی حکومت ملک کی تعمیر و ترقی کیلئے کردار ادا کر رہی ہے . آج کا دن پاکستان کیلئے نہایت اہمیت کا
حامل ہے . دو قومی نظریہ کی بنیادپر تحریک پاکستان کے ذریعے آزادی کی بنیاد رکھی گئی آباؤ اجداد کی قربانیوں کی وجہ سے آج ہم آزاد ماحول میں سانس لے رہے ہیں . اس موقع پر چیف ایگزیکٹو آفیسر تعلیم عبدالغفار لنگاہ ، خادم حسین شہزاد راجپوت بھٹی ، ملک وسیم عباس او ردیگر نے بھی خطاب کیا. دانش سکول ،سرور والی ، خیابان سرور ، سنٹرل ماڈل ، پولیس ایجوکیٹرز ، گرلز ہائی سکول نمبر 1، سنٹرز آف ایکسی لینس ، ڈویژنل پبلک سکول و کالج اور دیگر سرکاری تعلیمی اداروں کے طلبہ زوہا ستار ، اسوہ فاطمہ ، عائشہ ضیا، فروہ فاروقء ، محمد علی ، عبدالرحمن ، شجیہ فاطمہ ، اقرا بخاری اور دیگر نے موضوع کی مناسبت سے تقریریں کیں . اس موقع پر لاریب سجاد ، ماریہ سجاد ، جنید عبداللہ ، عبدالرحمن
اور دیگر نے ملی نغمے ، ٹیبلوز اور خاکے پیش کیے . قبل ازیں ٹھیک آٹھ بجے آرٹس کونسل میں پرچم کشائی کی گئی جس میں کمشنر اللہ رکھا انجم ، آر پی او رحمت اللہ نیازی ، ڈی پی او چودھری سجاد حسین گجر ،ایڈیشنل ڈپٹی کمشنر جنرل میاں اقبال مظہر اور دیگر موجود تھے . پنجاب پولیس کے دستے نے سلامی پیش کی . گرلز گائیڈاور طالبات نے قومی ترانہ پیش کیا. تقریب میں تحریک پاکستان کے حوالے سے دستاویزی فلم دکھائی گئی . یوم پاکستان کی تقریب میں سول جج درجہ اول فراز ارشد، میئر شاہدحمید چانڈیہ ، اے ڈی سی فنانس سرفراز مگسی ، ڈائریکٹر سوشل ویلفیئر فاروق احمد ، اسسٹنٹ کمشنرز محمد خالد گوپانگ ، عبدالجبار ، جی اے آر حمد اللہ ، ڈائریکٹر لوکل گورنمنٹ اظہر حسین چانڈیہ ، ڈپٹی ڈائریکٹر کالجز پروفیسر مظہر حسین گشکوری ، ڈسٹرکٹ ایجوکیشن آفیسرز شوکت علی شیروانی ، مسز فرزانہ بخاری ، پرنسپل ڈی پی ایس چودھری محمداظہر ، ڈپٹی ڈائریکٹرپلاننگ سہیل روف ، ریجنل ہیڈبوائز سکاوٹس ملک عرفان ، آسیہ پروین ، نیئر رانی شفق ، ضیاالاسلام قریشی، چیئرمین یونین کونسلز میاں شوکت فارو ق جتوئی ، عبدالحمید جلبانی، ملک فہیم ، ظفر طاہر مستوئی ، ملک غلام مصطفی ، شیر محمد بزدار ، غلام اکبر ، صوبدار خان برمانی، شیخ نقیب ، سلیم الیاس کے علاوہ دیگر منتخب نمائندے ، تعلیمی اداروں کے سربراہان ، اساتذہ ، طلباؤطالبات ،بوائز سکاوٹس ، گرلز گائیڈ اورزندگی کے مختلف شعبوں سے تعلق رکھنے والے مردوخواتین موجود تھے . دریں اثنا کمشنر اللہ رکھا انجم نے آرٹس کونسل میں پودا بھی لگایا اور ملک و قومی کی سلامتی کیلئے دعا کی .
