ڈیرہ غازی خان (صبح پا کستان)یونین کونسل میں عوامی مسائل کے انبار لگے ہوئے سیکرٹری یونین کونسل ڈیوٹی پر نہیں آتااس کے نامناسب رویہ کے خلا ف کاروائی کی جائے۔سیکرٹری یونین کونسل نے ممبران کو اجلاس کی اطلاع نہیں دی اور خود بھی غیر حاضر ہوگیا۔یہ بات میونسپل کارپوریشن کی یونین کونسل نمبر13کے وائس چیئرمین محمد شریف وڈانی نے یونین کونسل میں کونسلرز کے اجلاس سے خطاب کرتے ہوئے کہی انہوں نے کہا کہ لوگ ہمارے گھروں پر آجاتے ہیں یونین کونسل کے کام نہیں ہوتے جان بوجھ کر ہمارے کاموں میں رکاوٹ کھڑی کی جارہی ہے اس سلسلہ میں ڈائریکٹر لوکل گورنمنٹ کو تحریری درخواست دے دی ہے جس میں کہا گیا کہ ان کی یوسی کے سیکرٹری ملک صادق کے نامناسب رویہ کی وجہ سے مسائل میں اضافہ ہورہا ہے ۔انہوں نے کہا کہ آٹھ اپریل کے اجلاس کے لیئے سیکرٹری کو تحریری طورپر دیا مگر اس نے کسی ممبر کو اطلاع نہیں دی اور جب یونین کونسل گیا تو پتہ چلا کہ سیکرٹری خود بھی نہیں آیااور نہ ہی چھٹی کی درخواست دی ہے ۔یوسی وائس چیئرمین نے ڈائریکٹر لوکل گورنمنٹ سے استدعا ء کی کہ سیکرٹری یونین کونسل کے خلاف تادیبی کاروائی کی جائے ۔اس موقع پرجنرل کونسلرزعنایت اﷲ،عبدالرشیدخان ،محمد سجاد،رانا شمیم اعجاز،مسزموسی خان لیڈی کونسلر بھی موجود تھے ۔
