ڈیرہ غازیخان(صبح پا کستان)قدرتی آفات کسی کے بس میں نہیں مگر مالی امداد متاثرین کے دکھوں کا کچھ مداوا ضرور کرسکتی ہے . ان خیالات کااظہار ڈپٹی کمشنر ڈیرہ غازیخان اللہ رکھا انجم اور رکن صوبائی اسمبلی سید عبدالعلیم شاہ نے گزشتہ روز طوفانی بارش و آندھی میں دیوار گرنے سے فوت ہونے والی بچی نایاب کے والد محمد اختر کو وزیراعلی پنجاب کی طرف سے پانچ لاکھ روپے امدادی رقم کاچیک دیتے ہوئے کہی . انہوں نے کہاکہ وزیر اعلی کے حکم پر طوفانی بارش میں زخمی ہونے والوں کو فوری طبی امداد کی سہولت دی گئی . قبل ازیں ڈپٹی کمشنر اللہ رکھا انجم او رایم پی اے سید عبدالعلیم شاہ نے بھٹہ کالونی میں محمداختر کے گھر جا کر اس کی بچی کی وفات پر فاتحہ خوانی کی . اس موقع پر اسسٹنٹ کمشنرصدر خالد محمود گوپانگ ، سلطان محمود ڈاہا اور متعلقہ افسران موجود تھے .
