ڈیرہ غازیخان(صبح پا کستان)مسلم لیگ ن کے یوتھ چیئرمین میونسپل کارپوریشن سرمد سلیم خوجہ کی ڈائریکٹر جنرل سپورٹس سے لاہور میں ملاقات کرکٹ سٹیڈیم کی بحالی کے لیے سفارشات پیش کیں جس پر فوری طور پر پی سی ون کی منظوری کے لیے بلڈنگ ڈیپارٹمنٹ سے تخمینہ کی رپورٹ مانگ لی گئی تفصیلات کے مطابق ایک مدت سے مطالبہ کیا جارہا تھا کہ ڈیرہ غازی خان کرکٹ اسٹیڈیم کی بحالی کیلئے ارباب اختیا راقدامات کریں۔اس ضمن میں آپ کی کوشش قابل قدر ہے کیونکہ آپ کی درخواست پرڈائریکٹر جنرل سپورٹس پنجاب نے کرکٹ اسٹیڈیم کی بحالی کیلئے ترجیحی بنیادوں پر بلڈنگ ڈیپارٹمنٹ سے تخمینہ کی رپورٹ مانگ لی گئی اس سلسلے میں ڈسٹرکٹ سپورٹس آفیسر کو نگرانی کو احکامات دیتے ہوئے کہا کہ کرکٹ سٹیڈیم کی بحالی کے لیے تخمینہ لگواکر سمری بھیجیں اور فوری کام شرو ع کرائیں سرمد سلیم نے کرکٹ سٹیڈیم کے دورے کے دوران صحافیوں سے گفتگوکرتے ہوئے کہا کہ ڈیرہ غازی خان میں کھیل کے میدانوں کی حالت زار بہتر ہونے سے ہماری نوجوان نسل کو صحت مند سرگرمیوں کے لیے موقع ملے گا اور وہ بری محفلوں سے دور رہیں گے۔دعا ہے کہ اللہ پاک آپ کو کامیابی دے اورڈیرہ غازی خان کے کھیلوں کے گراونڈز کی حالت زار جو کہ انتہائی ابتر ہے کچھ بہتر ہوجائے گی۔
